वैष्णवी हगवणे प्रकरणात पोलीस तपासाला वेग आला आहे. या प्रकरणात निलेश चव्हाण याच्यावर संशय अधिक बळावला असून, पोलिसांनी निलेशकडून वैष्णवी हगवणे कुटुंबीयांचे दोन मोबाईल फोन जप्त केले आहेत.

तपासातून निलेश चव्हाणचं हगवणे कुटुंबासोबत झालेलं चॅटिंग आणि आर्थिक व्यवहार झाल्याची माहिती समोर आली आहे. अधिक माहिती मिळवण्यासाठी पोलिसांनी निलेशला ७ जूनपर्यंत पोलीस कोठडीत ठेवण्याची मागणी न्यायालयाकडे केली होती. याला मंजूरी मिळाली आहे.

सरकारी वकिलांनी बाजू मांडताना अनेक खुलासे केले आहेत, तपासात मिळालेल्या माहितीनुसार, निलेश चव्हाण याच्याकडून मोबाईल जप्त करण्यात आले आहेत. हगवणे कुटुंबाचे २ मोबाईल निलेशकडे असल्याची माहिती आहे. यादरम्यान, निलेशचं हगवणे कुटुंबासोबत चॅटिंग झालं होतं. तसेच आर्थिक व्यवहारही झाले आहेत.

यासंदर्भात अधिक माहिती मिळवण्यासाठी पोलिसांनी निलेशला ७ जूनपर्यंत पोलीस कोठडीत ठेवण्याची न्यायालयाकडे केली होती. याला न्यायालयाने मंजूरी दिली आहे.

वैष्णवीच्या बाळाची हेळसांड

तपासादरम्यान, एक महत्त्वाचा मु्द्दा समोर आला आहे. वैष्णवी हगवणेचे लहान बाळ काही काळासाठी निलेश चव्हाणकडे होतं. त्या काळात त्याने त्या बाळाची योग्य काळजी घेतली का? की बाळाची हेळसांड झाली? याचाही तपास पोलिसांकडून सुरू आहे.

दरम्यान, राजेंद्र हगवणे आणि सुशील हगवणे यांना न्यायालयीन कोठडी सुनावण्यात आली आहे. तर, शशांक हगवणे आणि लता हगवणे यांचा ताबा सध्या म्हाळुंगे पोलिसांकडे आहे. या प्रकरणाचा कसून तपास पोलिसांकडून सुरू आहे.