अक्षय बडवे, साम टीव्ही

पुणे : वैष्णवी हगवणे आत्महत्या प्रकरणात पोलिसांनी कारवाईचा वेग वाढवला आहे. पोलिसांनी या प्रकरणातील आरोपींच्या मुसक्या आवळल्या आहेत. त्यानंतर पोलिसांनी पती, सासू आणि नणंद यांना कोर्टात हजर केलं. या तिघांना २८ मेपर्यंत पोलीस कोठडी सुनावण्यात आली आहे. तर राजेंद्र हगवणे आणि सुशील हगवणे यांची पोलीस कोठडी सुद्धा 28 तारखेपर्यंत आहे. वैष्णवी हगवणेसोबत १६ मेआधी काय काय घडलं, याचं संपूर्ण गूढ आता पोलीस तपासात उकलणार आहे.

वैष्णवी हगवणे आत्महत्या प्रकरणात पती शशांक, सासू लता आणि नणंद करिष्मा यांना 28 तारखेपर्यंत पोलीस कोठडी सुनावण्यात आली आहे. वैष्णवीच्या अंगावर असलेले व्रण म्हणजेच त्यांना ज्या हत्याराने मारहाण केली, त्या हत्यारांचा अद्याप तपास लागलेला नाही. त्यामळे ते हत्यार नेमके ठेवले कुठे आहे, याचा शोध पोलिसांना घ्यायचा आहे. यासाठी पोलीस कोठडी द्यावी, अशी मागणी पोलिसांनी केली होती. त्यानंतर न्यायालयाने या तिघांना आता 28 मेपर्यंत पोलीस कोठडी सुनावली आहे.

पोस्टमॉर्टम रिपोर्टमधून धक्कादायक माहिती समोर

वैष्णवी हगवणेने आत्महत्येच्या दिवसापर्यंत वैष्णवी हगवणेचा कुटुंबियांकडून छळ केला जात असल्याचं समोर आलं आहे. वैष्णवीच्या अंगावर मारहाणीचे २९ व्रण आहेत. तर त्यातील ५ ते ६ व्रण ताजे आहेत. आत्महत्येच्या दिवसापर्यंत वैष्णवी हगवणे कुटुंबियांकडून छळ झाल्याची माहिती पोलिसांनी न्यायालयाला दिली.

कोर्टात पोलिसांनी यावेळी महत्वाचे मुद्दे मांडले. पोलिसांनी हगवणे कुटुंबीयांचे सर्व बँक पोलिसांनी गोठवले आहे. वैष्णवीचे सोने का तारण ठेवले आणि त्यातून येणाऱ्या रकमेचे हगवणे कुटुंबीयांनी काय केलं, याचा तपास पोलिसांकडून बाकी आहे. फरार आरोपी निलेश चव्हाण आणि हगवणे कुटुंबीयांचा संबंध पोलिसांना तपासायचा आहे. पोलिसांना हगवणे कुटुंबीयांची एकत्र चौकशी करायची आहे