उल्हासनगर : भटक्या कुत्र्यांना का मारलं? म्हणून जाब विचारण्यासाठी गेलेल्या दोन तरुणांना बेदम मारहाण झाल्याची घटना उल्हासनगरच्या (Ulhasnagar) हिललाईन पोलीस ठाण्याच्या हद्दीत घडली आहे. प्राणीमित्र कैलास कल्याणी आणि राज चोटवानी हे भटक्या कुत्र्यांसाठी (dogs) दररोज रात्री बिस्कटे टाकण्यासाठी शहरात फिरत असतात.

हे देखील पहा :

२७ तारखेला रात्री १ वाजण्याच्या सुमारास कॅम्प पाच, स्वामी शांती प्रकाश शाळेजवळ भटक्या कुत्र्यांना बिस्कीट टाकून कैलास आणि राज हे गाडीजवळ उभे होते. त्याच दरम्यान रस्त्याच्या बाजूला पाच ते सहा जणांची टोळी दारू पीत बसली होती. त्यातील एका तरुणाने एका कुत्र्याला नारळ फेकून मारला.

त्याचा जाब विचारण्यासाठी राज आणि कैलास गेले असता या टोळीच्या काही जणांनी थेट कैलास आणि राज ला बेदम मारहाण केली. ही संपूर्ण सीसीटीव्ही (CCTV) कॅमेऱ्यात कैद झालीय. ह्या गुंडांनी कमरेचा पट्टा आणि लाथाबुक्क्याने मारहाण केलीय. याप्रकरणी हिललाईन पोलीस (Police) ठाण्यात या टोळी विरुद्ध कलम ३२४, प्राण्यांचा छळ प्रतिबंध अधिनियम अंतर्गत गुन्हा दाखल करण्यात आला असून आरोपींना हिललाईन पोलिसांनी बेड्या ठोकल्या आहेत.

Edited By : Krushnarav Sathe