उल्हासनगर: उल्हासनगरमध्ये (Ulhasnagar) दहीहंडीच्या वेळी एका माथेफिरुने प्रताप केला आहे. उल्हासनगर कॅम्प क्रमांक पाच या भागात नेताजी चौकात जय भवानी मित्र मंडळाने दहीहंडी (Dahi Handi) आयोजित केली होती. या दहिहांडीसाठी 55 हजार रुपयांचे पारितोषिक ठेवले होते. रात्री दहा वाजता ही दहीहंडी चांगलीच रंगात आली होती आणि शेवटचे दोन गोविंदा पथक ही दहीहंडी फोडणार होते. मात्र त्याच्या अगोदरच एक माथेफिरू दहीहंडीच्या एका बाजूला असलेल्या दोरीवरून लटकत लटकत दहीहंडीच्या मध्यावर आला आणि त्याने चक्क आपल्या डोक्याने दहीहंडी फोडून टाकली. (Ulhasnagar Dahi Handi News)

हे देखील पाहा -

आपल्या जीवाची परवा न करता हा व्यक्ती ८० फूट उंचावर बांधलेल्या दहिहांडीवर तो चढला आणि त्याने हा प्रताप केला. या माथेफिरूचा हा प्रताप पाहून उपस्थितांनी एकच कल्लोळ केला. दहीहंडीच्या बक्षिसाच्या आशेने आलेले गोविंदा पथक या माथेफिरूकडे बघतच बसले आणि या माथेफिरुला पोलीस घेऊन गेले. यामुळे काहीकाळ तणावदेखील निर्माण झाला होता.

Edited By - Akshay Baisane