ठाकरे बंधूंच्या युतीची घोषणा अद्याप झालेली नाही... मात्र दोन्ही पक्षांच्या नेत्यांच्या संयुक्त बैठका झाल्या आहेत...प्रत्येक वॉर्डातील दोन्ही पक्षांच्या ताकदीचा विचार करून जागावाटप होणार असल्याची चर्चा आहे... त्याआधीच उद्धव ठाकरेंनी मुंबई महापालिका जिंकण्यासाठी नवी रणनिती आखलीय...मुंबईच्या राजकारणात नेहमीच मुंबई महापालिका ही केंद्रस्थानी राहिलीय.. त्यामुळे या महापालिकेवर भगवा फडकवण्यासाठी उद्धव ठाकरेंनी काय ऱणनिती आखलीय पाहूयात...

BMCसाठी ठाकरेसेनेची रणनिती

60 वर्षांपेक्षा अधिक वय असलेल्या माजी नगरसेवकांना उमेदवारी नाही

माजी नगरसेवकांच्या मतांचा आदर राखत त्यांच्या पसंतीचा उमेदवार देणार

मुंबई पालिका निवडणुकीत 70 % नव्या चेहऱ्यांना संधी देणार

मनसे,ठाकरेसेनेची ताकद आणि प्रभाव याचा विचार करून जागावाटप

2017 च्या महापालिका निवडणुकीत संयुक्त शिवसेनेनं मुंबईत 84 जागा जिंकल्या होत्या... मात्र शिवसेनेच्या फुटीनंतर शिंदेसेनेत अनेक माजी नगरसेवकांनी पक्षप्रवेश केलाय... त्यामुळे नव्या चेहऱ्यांना संधी देऊन ठाकरेसेना नवी रणनीती आखण्याचा प्रयत्न करत आहे. यामुळे तरुण नेतृत्वाचा सहभाग वाढेल आणि नवं मतदारांसह जळवून घेणं ठाकरेसेनेसाठी सोप होईल. मात्र ठाकरेसेनेच्या या फॉर्म्युल्याचा मुंबई महापालिकेत किती फायदा होतो? हे पाहणं महत्त्वाचं आहे...