विकास काटे

Uddhav Thackeray In Thane: शिवसेनेत उभी फूट पडल्यानंतर शिवसेना उद्धव बाळासाहेब ठाकरे गटाचे प्रमुख उद्धव ठाकरे यांची तोफ मुख्यमंत्री एकनाथ शिंदे यांच्या बालेकिल्ल्यात म्हणजेच ठाण्यात धडाडणार आहे. स्वतः उद्धव ठाकरे हे ठाण्याच्या गडकरी रंगायतनमध्ये येणारे आहेत. मुंबईनंतर ठाण्यात देखील उद्धव ठाकरे हिंदी भाषिक मेळावा घेणार आहेत. (Latest Maharashtra Political News)

उद्धव ठाकरे गटाचा हिंदी भाषिक मेळावा ठाण्याच्या गडकरी रंगायतन येथे सायंकाळी 6:30 च्या सुमारास होणार आहे. यासाठी ठाण्यात जय्यत तयारी करण्यात आली आहे. जागोजागी बॅनरबाजीच्या माध्यमातून शक्ती प्रदर्शन करण्यात आले आहे.

मोठ्या प्रमाणात या मेळाव्यात हिंदी भाषिक यांचे शक्ती प्रदर्शन पाहायला मिळणार आहे. त्यामुळे उद्धव ठाकरे यांना मराठी भाषिकांनंतर हिंदी भाषिकांची देखील मोठ्या प्रमाणात साथ लाभणार आहे. "उत्तर भारतीय के सन्मान में" शिवसेना मैदान में अशा प्रकारची घोषणा यापूर्वी शिवसेनेकडून करण्यात आली आहे.

काही दिवसांपूर्वीच हिंदी भाषिक कार्यकर्ता संमेलनाचे आयोजन ठाण्यात करण्यात आले होते. मात्र त्यावेळी इर्शाळवाडीत मोठी दुर्घटना घडली. या घटनेमुळे हे संमेलन रद्द करण्यात होते.