- अभिजीत

Kalyan Fire News : कल्याण पश्चिमेकडील अण्णासाहेब वर्तक रोड परिसरातील घास बाजार येथील शफिक खाटी मिठी इमारतीमधील तिसऱ्या मजल्यावरील घराला अचानक आग लागली. मध्यरात्री साडेतीनच्या सुमारास ही आग (fire) लागली हाेती. (Breaking Marathi News)

या भीषण आगीत घराचे पूर्णपणे नुकसान झाले आहे. तसेच घरात झोपलेल्या ७० वर्षीय महिलेचा व २२ वर्षीय मुलगी गंभीर जखमी (injured) झाल्या होत्या त्यांना उपचारासाठी रुग्णालयात दाखल केले. मात्र तत्पूर्वी त्यांचा मृत्यू झाला.

खातीजा हसम माइमकर व इब्रा रौफ शेख अशी मयतांची नावे आहेत. आजी आणि नात असे या दाेघींचे नाते आहे. आगीच्या घटनेची माहिती मिळताच अग्निशमन विभागाने तत्काळ घटनास्थळी धाव घेतली.

स्थानिकांच्या मदतीने आगीवर नियंत्रण मिळवले. या आगीत घराचे (house) संपूर्णपणे नुकसान झाले आहे. शॉर्टसर्किटमुळे ही आग लागल्याचा प्राथमिक अंदाज वर्तवण्यात येत आहे.

Edited By : Siddharth Latkar