Pune Mumbai Expressway : पुणे मुंबई यशवंतराव चव्हाण द्रुतगती महामार्गावर आज (साेमवार) भीषण अपघात झाला. या अपघातात एकाचा मृत्यू तर दोन जण किरकोळ जखमी (injured) झाले आहेत. या अपघातामुळं महामार्गावरील वाहतुक काळ खाेळंबली हाेती.

पुणे मुंबई यशवंतराव चव्हाण द्रुतगती महामार्गावर झालेल्या अपघातात खोपोली येथे एका ट्रकने पुढील चार चाकी, राज्य परिवहन महामंडळाची (Shivneri Bus) बस व कंटेनरला धडक दिल्याची प्राथमिक माहिती मिळत आहे. या घटनेत एकाचा मृत्यू तर दोन किरकोळ जखमी झाले आहेत असे खोपोली पोलीसांनी सांगितले.

खोपोली पोलीसांनी दिलेल्या प्राथमिक माहितीनुसार हा अपघात खोपोली एग्जीटच्या थोडे पुढे झाला. मुंबईच्या दिशेने जाणाऱ्या ट्रकचा ब्रेक फेल झाल्याने तो पुढे असलेल्या कार व शिवनेरी बसला धडकला.

त्यानंतर तो ट्रक एका कंटेनरवर जाऊन जोरदार आदळला. या ट्रकचा पुढचा भाग पूर्ण चकाचूर झाला आहे. या घटनेचा ट्रक चालकाचा मृत्यू झाला आहे असे पाेलिसांनी सांगितलं. या अपघाताचा तपास खोपोली पोलीस करीत आहेत.

Edited By : Siddharth Latkar