Ulhasnagar Latest News : महाराष्ट्र समस्त ख्रिस्ती समाजातर्फे उद्या (ता. 12 एप्रिल) आझाद मैदानावर महामोर्चा काढण्यात येणार आहे. या मोर्चात मोठया प्रमाणात ख्रिस्ती बांधव सामील होणार आहेत अशी माहिती जितू राठोड (मुख्य प्रवक्ते,समस्त ख्रिस्ती समाज-महाराष्ट्र) यांनी उल्हासनगर (ulhasnagar) येथे आयाेजिलेल्या पत्रकार परिषदेत नमूद केले. (Maharashtra News)

जितू राठोड म्हणाले ख्रिस्ती समाजावर (community) धर्मांतर करण्याचे खोटे आरोप केलं जातं आहेत. राज्यात या समाजाला टार्गेट केलं जातंय. धर्मांतराच्या नावावर खोट्या केसेस दाखल केले जात आहे. चर्चमध्ये कोणीही घुसून हल्ला करतात. (Christian Community Morcha)

आम्ही कोणाचेही धर्मांतर करत नाही. आमच्या समाजाला बदनाम केलं जातं आहे. आता बस झालं ! असेही राठाेड यांनी नमूद केले. याबाबत समस्त ख्रिस्ती समाज महाराष्ट्र तर्फे भव्य मोर्चा काढण्यात येणार आहे. हा माेर्चा उद्या (बुधवार) आझाद मैदानावर काढण्यात येणार असल्याचे मुख्य प्रवक्ते जितू राठोड यांनी उल्हासनगरमध्ये घेण्यात आलेल्या पत्रकार परिषदेत स्पष्ट केले.

Edited By : Siddharth Latkar