सचिन जाधव, पुणे

पुण्यातून धक्कदायक बातमी समोर आली आहे. शहरातील कोथरुडममधील मुलींना मारहाण करण्यात आली होती. शिवाय जातीवाचक शब्दात शिवीगाळ देखील करण्यात आली होती. याप्रकरणी तक्रार नोंदवण्यात आली होती. मात्र पोलिसांनी गुन्हा दाखल करू घेतला नाही, परंतु हे प्रकरण जिल्हा सत्र न्यायालयात गेल्यानंतर संबंधित पोलिसांवर गुन्हा दाखल करण्यात आला. या निर्णयाच्या विरोधात पुणे पोलीसांनी आपली बाजू ऐकुण घेण्याची विनंती केली होती. मात्र पुणे पोलीसांची बाजू एकुण घेतल्यानंतर देखील न्यायालयाने ६ पोलीस अधिकाऱ्यांवर गुन्हे दाखल करण्याचे आदेश दिलेत.

मिळालेल्या माहितीनुसार, संभाजीनगर जिल्ह्यातील २३ वर्षीय विवाहित महिला आपल्या पतीकडून होणाऱ्या सततच्या मानसिक आणि शारीरिक त्रासाला कंटाळून पुण्यात आली. त्या महिलेला मदत केलेल्या तीन मुलींना स्थानिक पोलिसांकडून कोणतीही पूर्वसूचना न देता ताब्यात घेतलं गेलं. तसेच त्या महिलांवर पोलीस स्टेशनमध्ये जातीवाचक शिवीगाळ, मारहाण आणि लैंगिक अपमान केल्याचा आरोप मुलींनी केला होता. या आरोपानंतर पोलिस स्टेशनमध्ये पोलीस कर्मचाऱ्यांवर गुन्हा दाखल करण्यात नकार दिला होता. मात्र, पुणे जिल्हा सत्र न्यायालयात हे प्रकरण गेले.

त्यानंतर कोथरूड पोलीस ठाण्याचे तात्कालीन सहायक पोलिस निरीक्षक प्रेमा पाटील, कर्मचारी श्रुती कडणे, संभाजीनगर पोलिस स्टेशनचे अमोल कामटे आणि महिला कॉन्स्टेबल संजीवनी शिंदे, पोलीस हवालदार विनोद परदेशी, सायबर पोलीस विभागाचे धनंजय सानप पोलीस कर्मचाऱ्यांवर गुन्हा दाखल करण्याचे निर्देश देण्यात आले आहेत.

न्यायालयाने सहा पोलीसांवर गुन्हे दाखल करण्याचा आणि या प्रकरणाचा तपास एक सी पी दर्जाच्या अधिकाऱ्यांकडून करण्याचे आदेश दिले होते. या निर्णयाच्या विरोधात पुणे पोलीसांनी आपली बाजू एकुण घेण्याची विनंती केली होती. मात्र पुणे पोलीसांची बाजू एकुण घेतल्यानंतर देखील न्यायालयाने सहा पोलीस अधिकाऱ्यांवर गुन्हे दाखल करण्याचे आदेश दिलेत. हे आदेश देताना पोलीसांनी अधिकारांचा गैरवापर केल्याच न्यायालयाने म्हटल आहे.