उल्हासनगर - किरणा दुकान फोडून ४२ हजारांची रोख रक्कम आणि साहित्य चोरी करणाऱ्या त्रिकुटाला पोलिसांनी बेड्या ठोकल्या आहेत. ही कारवाई हिललाईन पोलिसांनी (Police) केली आहे.कॅम्प नंबर ५ च्या गणेश नगरमध्ये कमला कुर्मी यांचे रामदेव किराणा नावाचे एक दुकान आहे. २४ मार्च च्या रात्री खिडकीची लोखंडी ग्रील तोडून ह्या तीन चोरट्यांनी दुकानात प्रवेश केला.

हे देखील पाहा -

दुकानातील काऊंटरमधून ४२ हजारांची रोख रक्कम आणि सीसीटीव्ही कॅमेऱ्याचा डिव्हीआर, मॉनिटर घेऊन पोबारा केला होता. याप्रकरणी हिललाईन पोलीस ठाण्यात अज्ञात चोरट्यांविरोधात गुन्हा दाखल करण्यात आला होता. या गुन्ह्याचा तपास गुन्हे प्रकटीकरण टीम करत होती.

डीबी पथकाला गुप्त माहितीच्या आधारे माहिती मिळाली की आरोपी आकाश भिडे ,रामू दरयानी आणि बलबिरसिंग लभाना ह्या त्रिकुटांनी घरफोडी केल्याची, पोलिसांनी सापळा रचून ह्या तिघांनाही ताब्यात घेतले असता त्यांनी गुन्ह्याची कबुली दिली आहे. आज तिघांनाही न्यायालयात हजर करण्यात येणार असल्याची माहिती वरिष्ठ पोलीस निरीक्षक रणजित डेरे यांनी दिली आहे.