Mumbai News - गोरेगावच्या रखडलेल्या पत्राचाळ प्रकल्पात झालेल्या गैरव्यवहाराची चौकशी ईडीने केली. याच प्रकरणात संजय राऊत (Sanjay Raut) यांना २ महिने तुरुंगवास भोगावा लागला. दरम्यान पश्चिम उपनगरात SRA पुर्नविकास प्रकल्पात फसवणूक आणि नियम पायदळी तुडवल्याच्या आरोपाखाली विकासकाची ईडी (ED) व आर्थिक गुन्हेशाखेकडून चौकशी करण्यात यावी. यासाठी रहिवाशांनी थेट मुख्यमंत्री व उपमुख्यमंत्री यांना पत्र लिहून तक्रार केली आहे

ओशिवरा येथील SRA निवासी इमारतीत विकासकाने पुर्नविकास करताना बांधकामात अनियमीतत्ता व कोट्यावधी रुपयांची फसवणूक केल्याचा आरोप रहिवाशांनी केला आहे. याबाबत रहिवाशांनी 'सहयोग होम्स' नावाच्या विकासका विरोधात मुख्यमंत्री व उपमुख्यमंत्री यांच्याकडे तक्रार करत, विकासकाविरोधाच ईडी व आर्थिक गुन्हे शाखेच्या चौकशीची मागणी केली आहे. विकासकाने पुर्नविकास प्रकल्पात कोट्यावधी रुपयांचा घोटाळा करत, इमारत उभी करताना नियम पायदळी तुडवल्याचा आरोप स्थानिक रहिवाशांनी पत्रात केला आहे.

तर इमारतीत विकासकाने अग्निशमन दलाचे नियमही पायदळी तुडवल्याचा आरोप रहिवाशी करत आहेत. रहिवाशांच्या तक्रारीनंतर अग्निशमन दलानेही विकासकाला नोटीस काढून ३० दिवसात उत्तर देण्याचे बजावले आहे. मात्र अग्निशमन दलाच्या नोटीसलाही विकसकाने केराची टोपली दाखवली. विकासकाच्या मनमानी कारभारमुळे नागरिक सध्या जीव मुठीत घेऊन रहात आहेत.