पुणे : देहूरोड पोलिस स्टेशनच्या (Dehuroad Police Station) हद्दीत ही घटना घडली आहे. ह्या घटनेची संपूर्ण दृश्य CCTV कॅमेऱ्यात कैद झाली आहे. पिंपरी चिंचवड पोलिसांच्या गुन्हे शाखेमध्ये कार्यरत असलेले पोलिस कॉन्स्टेबल ज्ञानेश्वर गाडेकर, हे देहू रोड परिसरातील एका हॉटेल जवळ गस्तीवर असताना, त्या ठिकाणी हॉटेलमध्ये आलेला अरविंद ढिल्लोड हा ग्राहक हॉटेल चालक महिलेला अर्वाच्य भाषेत शिवीगाळ करत होता. यावेळी ज्ञानेश्वर गाडेकर यांनी अरविंद ढिल्लोड याला महिलेशी सभ्य भाषेत बोलण्याचा सल्ला दिला.

हे देखील पहा -

मात्र संतापलेल्या अरविंद ढिल्लोड याने पोलिस शिपाई ज्ञानेश्वर गाडेकर (Police constable Dnyaneshwar Gadekar) यांना हाता - पायाने जबरदस्त मारहाण करण्यास सुरुवात केली. ह्या घटनेची संपूर्ण दृष्य ही सीसीटीव्हीत कैद झाली असून अरविंद ढिल्लोड विरोधात सरकारी कामात अडथळा आणल्याचा गुन्हा देहूरोड पोलीस स्टेशनमध्ये दाखल करण्यात आला आहे. गुन्हा दाखल केल्यानंतर देहूरोड पोलिसांनी अरविंद डिल्लोड याला अटक केली आहे.

Edited By - Jagdish Patil