Talegaon Dabhade News :

तळेगाव दाभाडे नगरपरिषदेने मालमत्ताकराच्या वसुलीसाठी (property tax) थकबाकीदारांच्या घरा समोर ढोल वाजवायला सुरुवात केली आहे. वसूलीसाठीच्या या अनाेख्या पद्धतीमुळे थकबाकीदारांकडून आत्तापर्यंत लाखाे रुपयांचा थकीत कर जमा झाल्याची माहिती वसूली पथकाकडून मिळाली. (Maharashtra News)

तळेगाव दाभाडे नगरपरिषदेचा नागरिकांनी माेठ्या प्रमाणात कर थकविला आहे. यामुळे तळेगाव नगरपरिषदेचे मुख्याधिकारी एन.के.पाटील यांनी मिळकतधारकांना नोटीसा दिल्या. त्यानंतरही नागरिकांकडून अल्प प्रतिसाद मिळाला. अखेर पालिकेने थकबाकीदारांच्या दारात जाऊन ढोल वाजवायला सुरुवात केली.

यामुळे नागरिकांनी थकीत कर भरण्यास सुरुवात केल्याचे दिसून येत आहे. दरम्यान या महिन्यात शंभर टक्के कर वसुल करून वीस कोटी रुपये नगरपरिषदेच्या कोषागारात जमा करण्याचा निश्चय मुख्याधिकारी यांनी केला आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

यासाठी थकबाकीदारांचे नावाचे फलकही चौका चौकात लावण्याचा विचार पालिका करीत असल्याची माहिती तळेगाव नगरपरिषदचे मुख्याधिकारी एन. के. पाटील यांनी दिली.

Edited By : Siddharth Latkar