वसई/विरार : विरारमध्ये एका अनोळखी महिलेचा मृतदेह आढळला आहे.विरार पश्चिमेच्या मारंबळ पाडा जेटी नंबर 22 येथे आज सायंकाळी 4 वाजताच्या सुमारास हा मृतदेह जेटी वर काम करणाऱ्या कामगारांना दिसून आल्यावर त्यांनी तात्काळ अर्नाळा पोलिसांना याची माहिती दिली.

हे देखील पहा :

महिलेची हत्या करून अंगाला दगड बांधून पाण्यात मृतदेह फेकला आहे. मृतदेह पूर्णता कुजलेल्या अवस्थेत असून चार ते पाच दिवसांपूर्वी महिलेची हत्या करून पाण्यात फेकला असल्याचा प्राथमिक अंदाज वर्तवला जात आहे.

विरारच्या अर्नाळा सागरी पोलिसांनी घटनास्थळी धाव घेत मृतदेह ताब्यात घेऊन शवविच्छेदनासाठी पाठवला आहे. आता या संपूर्ण घटनेचा तपास अर्नाळा सागरी पोलीस करत आहेत.

Edited By : Krushnarav Sathe