मुंबई : मुंबई महापालिका निवडणुकीसाठी प्रभागांच्या नव्या परिसीमनाची अधिसूचना जारी करण्यात आली आहे. राज्य निवडणूक आयोगाने ही अधिसूचना जारी केली आहे. मुंबई महापालिकेने सादर केलेल्या प्रारुप वाॅर्ड रचनेची माहिती यात देण्यात आली असून त्यावर हरकती सूचना मागविण्यात आल्या आहेत. ओबीसी आरक्षणाशिवायही निवडणूक (Election) होणार आहे. (State Election commission notification about BMC New Wards)

या प्रारुप रचनेनुसार मुंबईत (Mumbai) ९ वॉर्ड वाढले आहेत. शहर, पश्चिम उपनगर व पूर्व उपनगरात प्रत्येकी तीन वाॅर्ड वाढले आहेत. नव्या रचनेनुसार आता मुंबईत वाॅर्डांची संख्या २३६ होईल. त्यातले ११८ वाॅर्ड महिलांसाठी राखीव आहेत. एकूण वाॅर्डरचनेत एससी साठी १५ ते एसटी साठी २ जागा राखीव आहेत. महिलांसाठी एससी प्रवर्गात ८ तर एसटी प्रवर्गात एक जागा राखीव आहे.

असे असेल वेळापत्रक-

अधिसूचनेवर 1 फेब्रुवारी ते 14 फेब्रुवारी या कालावधीत तक्रारी आणि सूचना मागवल्या जातील .

16 फेब्रुवारी रोजी तक्रार सूचनेची माहिती निवडणूक आयोगाला देण्यात येणार आहे.

16 फेब्रुवारी ते 26 फेब्रुवारी या कालावधीत तक्रारीचा निवारण करण्यात येणार आहे

अंतिम यादी 2 मार्च रोजी दिली जाईल

त्यानंतर प्रभागांच्या आरक्षणाची सोडत काढली जाईल

त्यानंतर निवडणूक जाहीर होईल

एसी आणि एसटीसाठी प्रभाग आरक्षण ठेवण्यात आले आहे.