डोंबिवली : डोंबिवलीत आज पुन्हा भाजप आमदार रवींद्र चव्हाण यांनी पत्रकार परिषद घेत नवाब मलिकांच्या संदर्भात पालकमंत्री एकनाथ शिंदे आणि खासदार श्रीकांत शिंदे यांची काय भूमिका आहे? असा सवाल  उपस्थित केला. दरम्यान याचवेळी कल्याणमध्ये युवासेनेचे नेते वरुण सरदेसाई फुटबॉल चषक स्पर्धेसाठी आले होते आणि पत्रकारांनी त्यांना भाजप आमदर यांनी उपस्थित केलेल्या सवालाबाबत विचारले असता यावेळी देसाई यांनी भाजप आमदार यांना नाव घेता टोला लगावला आहे.

हे देखील पहा :

देसाई यांनी सांगितले की आपल्याला प्रकाश झोतात राहिला पाहिजे, आपल्या देखील मिडीयाने बातम्या कव्हर केल्या पाहिजेत. त्यामुळे ओढून ताणून शिवसेनेच्या वरीष्ठ नेत्यांवर टीका करायची, पालकामंत्र्यावर टीका करायची ही काही लोकांची वृत्ती झालेली आहे.

चव्हाण नेमकं काय म्हणाले?

आज डोंबिवली भाजप आमदार चव्हाण यांनी पत्रकार परिषद घेत सांगितले की महायुतीत हिंदूत्वाचा धागा पकडून आम्ही एकत्रित राहिलो. आता बॉम्बस्फोटातील आरोपीसोबत व्यवहार केल्याप्रकरणी मंत्री नवाब मलिक यांना अटक झाली आहे. मलिकांविषयी पालकमंत्री एकनाथ शिंदे आणि खासदार श्रीकांत शिंदे यांची काय भूमिका आहे? हे त्यांनी सांगावे, असे आमदार चव्हाण यांनी म्हटले आहे.

Edited By : Krushnarav Sathe