- सचिन कदम

Raigad News : चालकाने मद्यपान करुन बस चालविण्याचा प्रयत्न केल्याने वाहकाने (कंडक्टर) त्यास बाजूला करुन स्वत: स्टेअरिंग हातात घेत तब्बल 60 किलोमीटरचा प्रवास पार पाडला. ही घटना रायगड येथून समाेर आली आहे. (Maharashtra News)

ही घटना शुक्रवारी संध्याकाळची आहे. श्रीवर्धन मुंबई एसटी बस संध्याकाळी साडेचार वाजता श्रीवर्धन येथुन निघाली. बस माणगाव बस (msrtc bus) स्थानकात थांबली असता चालकाने तेथे मद्यपान केले.

चालकाने मद्यपान केल्याचे वाहकाच्या लक्षात आले. त्याने श्रीवर्धन डेपोशी संपर्क साधला. कंडक्टर हा कम ड्रायव्हर असल्याने मद्यपी चालकाला बाजुला करीत त्याने बसचा ताबा घेतला. पुढे सुमारे 60 किलोमीटरचा प्रवास करीत कंडक्टरने बस स्थानकात आणली.

दरम्यान रामवाडी येथे चालकाविरुध्द तक्रार दाखल करण्यात आली आहे. चालकास एसटी महामंडळाने बडतर्फ केल्याची माहिती प्राप्त झाली आहे.

Edited By : Siddharth Latkar