Shivsena Dasara Melava : संपुर्ण महाराष्ट्राचं लक्ष लागून राहिलेल्या शिवसेनेच्या (Shivsena) दसरा मेळाव्याबाबत मुंबई उच्च न्यायालयाने महत्वाचा निर्णय दिला आहे. दादर येथील शिवाजी पार्कवर दसरा मेळावा घेण्यासाठी मुंबई उच्च न्यायालयाने उद्धव ठाकरेंच्या (Uddhav Thackeray) गटाला परवानगी दिली आहे.

त्यामुळे परंपरेनुसार चालत आलेल्या या दसरा मेळाव्यात देखील उद्धव ठाकरेंचीच तोफ धडाडणार आहे. तर हा एकनाथ शिंदे गटाला मोठा धक्का बसला आहे. या सुनावणी दरम्यान आज न्यायालयाने अनेक मुद्यांवरती लक्ष वेधलं.

पाहा व्हिडीओ -

शिवाजी पार्कचे मैदान ठाकरे गटाला देण्याचे आदेश न्यायालयाने महापालिकेला दिले आहेत. शिवाय मेळाव्याच्या तयारीसाठी देखील मैदानाची परवानगी द्या; असं न्यायालयाने सांगितलं. मात्र, कायदा व सुव्यवस्थेचा प्रश्न उद्भवल्यास याचिकाकर्ता जबाबदार असल्याचंही न्यायालयाने यावेळी सांगितलं आहे. तर अद्यादेशातील नियम व अटींच पालन करण्याचे आदेश देण्यात आले आहेत.