मुंबईतील कांजूरमार्गमधून एक धक्कादायक बातमी समोर येत आहे. अल्पवयीन मुलीचा विनयभंग केल्याप्रकरणी शिवसेना ठाकरे गटाचे उपविभाग प्रमुख अनंत पाताडे यांच्या विरोधात पॉक्सो अंतर्गत गुन्हा दाखल करण्यात आला आहे. १७ मार्चला अल्पवयीन मुलीचा विनयभंग करण्यात आला होता. याच प्रकरणी ठाकरे गटाच्या नेत्यावर गुन्हा दाखल करण्यात आला आहे.

१७ मार्चला विनयभंग झाल्यानंतर पीडितेने याची माहिती आपल्या पालकांना दिली. मुलीच्या पालकांनी थेट कांजूरमार्ग पोलीस ठाण्याच जाऊन तक्रार दाखल केली. पोलिसांनी प्राथमिक चौकशीनंतर अनंत पाताडे यांच्याविरोधात पॉक्सो अंतर्गत गुन्हा नोंदवला आहे.

नेमकं प्रकरण काय?

कांजूरमार्ग येथे एका अल्पवयीन मुलीची विनयभंग करण्यात आल्याची माहिती समोर आली होती. मुलगी १७ वर्षांची असून, हा विनयभंग शिवसेना ठाकरे गटाचे उपविभाग प्रमुख अनंत पाताडे यांनी केला असल्याचा आरोप पीडित मुलीने केला आहे. १७ मार्चला विनयभंग झाल्यानंतर पीडित मुलीने याची माहिती आपल्या पालकांना दिली.

पालकांनी थेट कांजूरमार्ग पोलीस ठाणे गाठत आरोपीविरोधात तक्रार दाखल केली. पोलिसांनी या घटनेची चौकशी केली. चौकशी केल्यानंतर पोलिसांनी अनंत पाताडे यांच्या विरोधात पॉक्सो अंतर्गत गुन्हा दाखल केला आहे. या घटनेचा अधिक तपास पोलिसांकडून सुरू आहे. या धक्कादायक प्रकारानंतर परिसरात खळबळ उडाली आहे.