Sanjay Raut News : पत्राचाळ गैरव्यवहाराप्रकरणी ईडीच्या ताब्यात असलेले शिवसेना (Shivsena) खासदार संजय राऊत यांची आज न्यायालयीन कोठडी संपत आहे. त्यामुळे ईडीकडून आज राऊतांना मुंबई सत्र न्यायालयात हजर केलं जाणार आहे. राऊतांच्या जामीन अर्जावर आज सुनावणी होईल. त्यामुळे राऊतांना (Sanjay Raut) बेल मिळणार की पुन्हा जेलमध्ये जावं लागणार याबाबत आज निर्णय होईल. (Sanjay Raut News Today)

मुंबईतील गोरेगाव येथील पत्राचाळ घोटाळाप्रकरणी गैरव्यवहाराप्रकरणी संजय राऊत यांच्याविरोधात शुक्रवारी ईडीने आरोपपत्र दाखल केलं होतं. याप्रकरणीही आज सुनावणी होण्याची शक्यता आहे. खासदार संजय राऊत सध्या आर्थर रोड कारागृहात आहेत.

काही दिवसांपूर्वी संजय राऊतांच्या न्यायालयीन कोठडीत 19 सप्टेंबरपर्यंत वाढ करण्यात आली होती. त्यानंतर लगेच राऊत यांनी जामिनीसाठी विशेष न्यायालयात अर्ज केला होता. मात्र त्यांना कोणताही दिलासा मिळाला नाही.पत्राचाळ हा म्हाडाचा भूखंड आहे. मात्र प्रवीण राऊत यांनी म्हाडा व भाडेकरुंची दिशाभूल करुन यातील अनेक भाग हा खासगी कंत्राटदारांना दिला. तसेच त्यातील 25 टक्के शेअर्स हे एचडीआयएलला विकले. (Shivsena Sanjay Raut News)

या व्यवहारातील काही रक्कम संजय राऊत यांच्या पत्नी वर्षा राऊत यांच्या बॅंक खात्यामध्ये जमा झाल्याचा आरोप त्यांच्यावर आहे. संजय राऊत यांना ईडीने 1 ऑगस्ट रोजी पत्राचाळ पुनर्विकास प्रकरणात अटक केली होती. त्यानंतर 5 सप्टेंबर रोजी झालेल्या सुनावणीत विशेष पीएमएलए न्यायालयाने त्यांच्या न्यायालयीन कोठडीत 19 सप्टेंबरपर्यंत वाढ केली होती.

Edited By -Satish Daud