- फय्याज शेख

Bhiwandi News : महाराष्ट्रात अनेक ठिकाणी एमडी ड्रग्ज या अंमली पदार्थाचे उत्पादन करणारे कारखाने उद्ध्वस्त करण्यात येत आहे. भिवंडी येथे देखील पोलीस प्रशासनाने अंमली पदार्थांची विक्री करणा-यांवर धाडी टाकण्यास प्रारंभ केला आहे. (Maharashtra News)

भिवंडी शहरात एका व्यक्तीस शांतीनगर पोलीसांनी नुकतेच ताब्यात घेतले आहे. त्याच्याकडून 110 ग्रॅम वजनाचे एमडी ड्रग्ज पावडर जप्त करण्यात आली आहे. पाेलिसांनी दिलेल्या माहितीनुसार हिमांशु दिपेंद्र सिंग (वय 26, राहणार न्यू कणेरी पद्मानगर) असे अटक केलेल्या संशयिताचे नाव आहे.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

याबाबत पोलीसांना गुप्त माहिती मिळाली हाेती. या माहितीनुसार पाेलीसांनी सापळा रचत एमडी ड्रग्ज हा अंमली पदार्थ स्वतः जवळ बाळगून विक्री करण्याकरीता भादवड पाईपलाईन परिसरात आल्यानंतर त्यास पकडले.

शांतीनगर पोलीसांनी त्याची अंगझडती घेतली. त्याच्या जवळ 6 लाख 71 रुपये किमतीचा 110 ग्रॅम वजनाचा एमडी पावडर व मोबाईल असा एकूण 7 लाख 21 हजार किमतीचा मुद्देमाल हस्तगत करण्यात आला आहे. शांतीनगर पाेलीस अधिक तपास करीत आहेत.

Edited By : Siddharth Latkar