रोहिदास गाडगे

पुणे: पुण्याच्या ग्रामीण भागात प्राथमिक शाळा सुरु होऊन एक महिना उलटला मात्र अद्यापही फेब्रूवारी महिन्याचा पोषण आहाराच्या खाद्य वस्तु पुरवठा न झाल्याने उत्तर पुणे (Pune) जिल्ह्यातील जिल्हा परिषदेच्या एकाही शाळेत पोषण आहार शिजवला जात नसल्याचा धक्कादायक प्रकार समोर आलाय.

कोरोना (Corona) पार्श्वाभुमीवर शाळा बंद होत्या या काळातील सात महिन्यांचा पोषण आहाराचा तांदुळ अजुन पुरवठा सुरु आहे. मात्र, फेब्रुवारी महिन्याचा तांदुळ उपलब्ध नसल्याने शाळकरी मुलांना शाळेत पोषण आहार दिला जात नाहीय. ता. 15 मार्चपासून शाळास्तरावर शालेय पोषण आहार शिजवून देण्याच्या सुचना देण्यात आल्या होत्या. मात्र पुरवठादाराकडून तांदुळ आणि इतर वस्तुचा अद्याप पुरवठा झाल्यानंतरच शालेय पोषण आहार शिजवून देण्यात याव्यात अशा सुचना शाळांना मेसेजद्वारे देण्यात आल्यात.

ग्रामीण भागातील गरीब, आदिवासी कुटुंबांची आर्थिक परिस्थिती हलखीची असल्याने, त्या कुटुंबातील मुले शालेय पोषण आहाराच्या निमित्ताने शाळेत शिक्षण घेतात. त्यातून चिमुकल्या मुलांमध्ये शिक्षणाची गोडी निर्माण व्हावी यासाठी राज्य सरकारकडुन शालेय पोषण आहार योजना सुरु करण्यात आली मात्र शालेष पोषण आहाराच्या वस्तुंचा वेळेत पुरवठा झाला नसल्याने एक महिना उलटुनही मुलांना पोषण आहापापासुन वंचित रहाण्याची वेळ आलीय.