हा कारवाईचा धडाका सुरू केलाय परिवहन विभागानं...मुंबई आणि ठाण्यात भरारी पथकांनी परप्रांतीय रिक्षा आणि टॅक्सीचालकांची भर रस्त्यावर मराठी बोलण्याची परीक्षा घेण्याचा धडाका लावलाय. आरटीओ अधिकाऱ्यांच्या या परीक्षेत नापास झालेल्या रिक्षा, टॅक्सी चालकांना आरटीओ अधिकाऱ्यांनी थेट नोटीसा बजावल्या आहेत. ही नोटीस दिल्यानंतर महिनाभरात मराठी नं बोलणाऱ्या भैय्या रिक्षा आणि टॅक्सीचालकांना मराठी शिकणं बंधनकारक असणार आहे.

साम टीव्हीनंही या परप्रांतीय चालकांशी मराठीत संवाद साधून रियालिटी चेक करण्याचा प्रयत्न केला. तेव्हा काय समोर आलं ते पाहूया.....दरम्यान मराठी न आल्यास कारवाईच्या होईल यामुळे काही रिक्षाचालक मराठी शिकतायत...साम टिव्हीच्या प्रतिनिधीसोबतही काही चालकांनी मराठीत संवाद साधण्याचा थोडाथोडका का असेना प्रयत्न केलाय...

तर दुसरीकडे काही मराठी न शिकणाऱ्या परप्रांतीयांची आडमुठी भूमिका कायम आहे. मराठी येत का? असा प्रश्न विचारल्यावर काही रिक्षाचालकांनी कसा त्रागा केलाय ते पाहा... परिवहन विभागानं ठिकठिकाणी परप्रांतीय चालकांसाठी मराठी प्रशिक्षण उपलब्ध करून दिलेले असतानाही राज्यात फक्त 1 लाख 65 हजार 600 रिक्षा-टॅक्सी चालकांनी प्रशिक्षण पूर्ण केलयं... तर मोफत प्रशिक्षणाची सुविधा देऊनही मराठी शिकण्यास उपस्थित न राहणाऱ्या रिक्षाचालकांची मुजोरी काय आहे. मात्र अशा मुजोरांवर कारवाईचा धडाका सुरू झालाय. मात्र नोटीस बजावलेल्या चालकांची महिन्याभरात पुन्हा परीक्षा घेतली जाणार का? परिवहन खात्याचा हा उपक्रम सर्व चालकांना मराठी येईपर्यंत सुरूच राहणार की केवळ काही दिवसांचा खेळ ठरणार याबाबत महाराष्ट्रात उत्सुकता आहे.