Pune News : पिंपरी चिंचवड शहरातील रावेत परिसरात सोमवारी होर्डिंग कोसळून (Pimpri Chinchwad Hoarding Collapse) ५ जणांचा दुर्दैवी मृत्यू झाला. या दुर्घटनेप्रकरणी रावेत पोलिसांनी (Ravet Police) यांनी जमीन मालक नामदेव बारकू म्हसुडगे याला अटक केली आहे. या घटनेतील अन्य संशयितांचा शाेध सुरु असल्याची माहिती पाेलिसांनी दिली. (Breaking Marathi News)

सोमवारी संध्याकाळी वादळी वाऱ्यामुळे बंगळुरू- मुंबई हायवे शेजारी असलेल्या स्वामी हॉटेलजवळ एक मोठे अनधिकृत होर्डिंग वादळी वाऱ्यामुळे कोसळले. या दुर्घटनेत पाच जणांचा दुर्दैवी मृत्यू झाला तर तीन जण जखमी झाले. रावेत पोलिसांनी याप्रकरणी सदोष मनुष्यवधाचा गुन्हा दाखल केला आहे.

या प्रकरणात पोलिसांनी जागा मालक नामदेव बारकू म्हसुडगे यास अटक केली आहे. तसेच होर्डिंग तयार करणारा दत्ता गुलाब तरस, होर्डिंग भाड्याने घेणारा महेश तानाजी गाडे, जाहिरात करणारी कंपनी आणि इतर संबंधित व्यक्तींविरोधात गुन्हा दाखल आहे. या प्रकरणातील संशयितांचा शाेध घेण्यासाठी रावेत पोलिसांनी चार पोलिसांची पथकं तयार केली आहेत.

Edited By : Siddharth Latkar