मुंबई: महापालिका निवडणुकीच्या तोंडावर मनसे सक्रिय झालेली पाहायला मिळत आहे. घाटकोपरला शाखेचे उद्घाटन केल्यानंतर राज ठाकरे (Raj Thackeray) आज प्रभादेवीला उपस्थीत होते. तिथे बोलताना राज ठाकरे म्हणाले की आज काही भाषण करणार नाही. व्यासपीठावर तुमचं दर्शन घ्यायला आलो आहे. कारण खालून दर्शन होत नाही. निवडणूक कधीही लागतील, अजून तरी या वातावरणात निवडणूक वाटत नही. लागल्यावर सगळ्यांची पाक पाक सुरु होईल, तेव्हा आमचीही सुरू होईल.

मी सभा घेणार आहे तेव्हा इथेही सभा घेईन. ही शाखा आहे, दुकान नव्हे, इथं आल्यावर न्याय मिळायला हवा. यावेळी राज ठाकरेंनी एका नव्या पाटीची घोषणा केली आहे. एक पाटी मी सगळ्या शाखेला देणार आहे. तीच पाटी प्रत्येक मंत्र्याला पाठवणार आणि ती लावायला सांगणार आहे. शिव छत्रपतींचा संदेश आहे, मंत्रालयातल्या सगळ्या भागात पाठवणार आहे. "कारभार ऐसे करवा की रयतेच्या भाजीच्या डेठालाही हात लागू नये" या संदेशाचा प्रत्येक जण तंतो-तंत पालन करेल अशी अपेक्षा राज ठाकरेंनी यावेळी व्यक्त केली आहे.

दरम्यान महानगर पालिकांच्या निवडणुका काही दिवसांवर आल्या आहेत. त्यामुळे सर्वचं पक्ष तयारीला लागले आहेत. मनसेकडून देखील शहरातल्या वेगवेगळ्या भागात शाखांची उद्घाटनं केली जात आहेत. स्वतः मनसे प्रमुख राज ठाकरे यांनी काही दिवसांपूर्वी घाटकोपरला शाखेचे उदघाटन करून त्याची सुरुवात केली होती , त्यानंतर आता प्रभादेवीमधल्या मनसेच्या शाखेच्या उडघटनाला राज ठाकरे उपस्थित राहणार आहेत .त्यामुळे मनसे कडून वातावरण निर्मिती केली जात असल्याचं म्हटलं जातंय.

Edited By: Pravin Dhamale