मुंबई : मनसेप्रमुख राज ठाकरे दसऱ्याला जनतेशी संवाद साधणार आहेत. निवडणुकीच्या तोंडावर पॉडकास्टच्या माध्यमातून राज ठाकरे जनतेसमोर आपलं मत मांडणार आहे. त्यामुळे ठाकरे, शिंदे यांच्यासोबत ऑनलाईन राज'गर्जना' होणार आहे. तर दुसरीकडे ठाकरे आणि शिंदे गटाचा दसरा मेळावा होणार आहे. ठाकरे गटाचा दसरा मेळावा छत्रपती शिवाजी महाराज पार्क मैदानात मेळाव्याची जोरदार तयारी देखील सुरु झालीए. त्याची चुणूक काही दिवसांपूर्वीच उद्धव ठाकरेंनी अमित शाहांचा फडशा पाडणार असल्याचं सांगून भाषणाची दिशा आधीच स्पष्ट केलीय.

मात्र लोकसभेच्या मैदानात नसलेल्या आणि विधानसभेची जोरदार तयारी करत असलेल्या राज ठाकरेंना भिडणार का याकडे लक्ष आहे. तर दुसरीकडे दसऱ्याआधीच अनेक वृत्तपत्रात पहिल्याच पानावर राज ठाकरेंच्या जाहिरात छळकल्या आहेत.

यामध्ये 'माझ्या तमाम हिंदू बांधवांनो, भगिनींनो आणि मातांनो...चला पूर्वीसारखा राजकीय सुसंस्कृत आणि सर्व राज्यांपेक्षा प्रगत महाराष्ट्र उभारुया...मी महाराष्ट्राचा, महाराष्ट्र माझा, असं आवाहन राज ठाकरेंनी केलंय. राज ठाकरेंनी विधानसभा निवडणुकांचं रणशिंग फुंकलं असून मनसेचे 7 उमेदवार जाहीर केलेत.

त्यामुळे उद्याच्या या पॉडकास्टमध्ये राज ठाकरे नेमकं काय बोलणार?, याकडे सर्वांचं लक्ष लागलं आहे. दुसरीकडे नेस्को मैदानावर 13 ऑक्टोबरलाही मेळावा घेणार आहेत. मेळाव्यात राज काय बोलणार पाहूया.

राज ठाकरे काय बोलणार? -

- मनसे युतीत, आघाडीत की एकला चलो रे ? ची भूमिका मांडणार

- विधानसभेला मनसेचा मार्ग कोणता? हे स्पष्ट करण्याची शक्यता

- राज ठाकरे मेळाव्यातून काय संबोधणार? याकडे लक्ष

- हिंदुत्व आणि भूमिपुत्राच्या मुद्द्यावरून राज ठाकरे काय संदेश देणार? याकडेही लक्ष लागलंय.

राज ठाकरेंनी राज्यातील बिघडलेल्या राजकारणावर वारंवार टीका केलीये. मात्र, आता विधानसभा निवडणुकीचे पडघम वाजू लागल्यानं राज ठाकरे पुन्हा एकदा या बिघडलेल्या राजकारणावर आसूड ओढण्यासाठी सज्ज झालेत. तर दर वर्षी ज्यांच्या दस-या मेळाव्याकडे सर्वांच्या नजरा असतात त्या उद्धव ठाकरेंनी यापूर्वीच शिवाजी पार्कवर अमित शाहांचा फडशा पाडण्याची घोषणा केलीय. त्यामुळे उद्धव ठाकरे मोदी-शाह आणि शिंदे- फडणवीसांवर काय बोलणार याकडे जसं लक्ष आहे तसंच मविआतील मुख्यमंत्रिपदावर काय भूमिका घेणार याबाबतही उत्सुकता ताणली गेलीय.