पुणे : पुण्यात अज्ञात व्यक्तीने पार्किंगमधील गाड्या पेटवल्या. या घटनेत 15 वाहने जळून खाक झाली आहेत. सुदैवाने या आगीत कुठलीही जिवीतहानी झालेली नाही. याप्रकरणी अज्ञात व्यक्तीविरोधात उत्तम नगर पोलीस ठाण्यात गुन्हा दाखल करण्यात आला आहे (Pune Vehicles Burnt By Unknown Which Are In Parking Case Filed).

नेमकं काय घडलं?

पुण्यात आज पहाटे पाच वाजताच्या सुमारास पुण्यातील शिवणे येथील शिंदे पुलाजवळ, शिवकमल प्रेस्टीज इमारतीच्या पार्किगमधील 13 दुचाकी आणि 2 रिक्षा पूर्णपणे जळून खाक झाल्या. सोसायटीच्या पार्किंगमध्ये अज्ञात व्यक्तीने लावलेल्या आगीत (Fire) जवळपास 15 वाहनं (Vehicles) पूर्णपणे जळून खाक झाली आहेत.

पीएमआरडीच्या अग्निशमन दलाने आग (Fire) विझवली असून सुदैवाने या आगीत कुणीही जखमी झालेलं नाही. गाव गुंडांनी स्थानिक नागरिकांमध्ये दहशत पसरविण्यासाठी ही आग लावली असावी, असा नागरिकांना संशय आहे. सोसायटी पार्किंगमध्ये वाहनांना आग लावणाऱ्या अज्ञात व्यक्तीविरोधात उत्तम नगर पोलीस ठाण्यात गुन्हा दाखल करण्यात आला आहे. पुढील कारवाई सुरुये.

Edited By - Nupur Uppal