वैष्णवी हगवणे प्रकरणाची पुन्हा एकदा वर्षभराने पुनरावृत्ती घडली आहे. महाराष्ट्रात विवाहित महिलांच्या आत्महत्येचं सत्र सुरूच आहे. विद्येचं माहेरघर मानल्या जाणाऱ्या पुण्यात पुन्हा एकदा विवाहित महिलेने आत्महत्या केल्याची घटना घडली आहे. पुण्यातील उरळी कांचनमधील प्रकार समोर आला आहे.

पुण्यात पुन्हा एकदा सासरच्या छळाला कंटाळून विवाहितने आत्महत्या केली आहे. या विवाहितेची सासू सरपंच आहे. तर सासरा मुख्याधापक आहे. विवाहित महिलेने उरळी कांचनमध्ये आत्महत्या केल्याची माहिती मिळत आहे. दीप्ती चौधरी असे आत्महत्या केलेल्या महिलेचे नाव आहे. दीप्तीच्या आत्महत्येने परिसरात खळबळ उडाली आहे.

दीप्तीच्या नातेवाईकांनी सासरच्या मंडळीवर गंभीर आरोप केले आहेत. नातेवाईकांनी केलेल्या आरोपानुसार, चारचाकी वाहनासाठी पैशांचा तगादा आणि गर्भपात करण्याचा छळ केल्याने दीप्तीने आयुष्य संपवलं. या प्रकरणानंतर सासू सरपंच सुनीता चौधरी यांच्यासह पती आणि दीराविरोधात उरूळी कांचन पोलीस स्टेशनमध्ये गुन्हा नोंदवण्यात आला आहे. दीप्तीच्या आत्महत्येने उरूळी कांचनमध्ये खळबळ उडाली आहे.

दीप्ती रोहन चौधरी असे आत्महत्या केलेल्या विवाहितेचे नाव आहे. या प्रकरणानंतर हेमलता बाळासाहेब मगर यांनी पोलिसांत तक्रार दिली. पोलिसांनी उरूळी कांचन पोलीस ठाण्यात आत्महत्या, सासूरवासाचा छळ या कलमांतर्गत गुन्हा झाला आहे. दीप्तीचा विवाह रोहन चौधरीसोबत झाला. कुटुंबातील पती, सासरे, सासू, दीर यांच्याकडून दीप्तीकडे पैशांची मागणी केली जात होती. चारचाकीसाठी देखील पैशांची मागणी व्हायची. गर्भपातानंतरही दीप्तीचा छळ सुरू होता. याच छळाला कंटाळून दीप्तीने राहत्या घरात आयुष्य संपवलं.