- सचिन जाधव

पुणे शहरातील सिमला ऑफिस चौकाजवळ मेट्रो स्टेशनच्या गर्डर लाँचिंग आणि पिलरचे बांधकाम करण्यात येणार आहे. या कालावधीत वाहतूक कोंडी टाळण्यासाठी सिमला ऑफिस चौक आणि परिसरातील वाहतुकीत उद्यापासून (शु्क्रवार, ता. 17 मे) बदल करण्यात येत असल्याची माहिती वाहतूक शाखेचे पोलिस उपायुक्त यांनी साम टीव्हीला दिली.(Maharashtra News)

पाेलिसांनी दिलेल्या माहितीनूसार वीर चाफेकर चौक ते न. ता. वाडी के. बी. जोशी मार्ग चौक ते सिमला ऑफिस चौक (बस स्थानक मार्ग) सर्व वाहनांसाठी एकेरी मार्ग करण्यात आला आहे. वीर चाफेकर उड्डाणपुलावरून सिमला ऑफिस चौकाकडे प्रवेश बंद राहणार आहे.

पर्यायी मार्ग

वीर चाफेकर उड्डाणपुलाच्या डाव्या बाजूकडील सेवा रस्त्यावरून चाफेकर चौक डावीकडे वळून न.ता. वाडी - उजवीकडे वळण घेउन सिमला ऑफिस चौकाकडे जाता येईल.

फर्ग्युसन कॉलेज रस्त्यावरून वीर चाफेकर चौकातून सिमला ऑफिस चौकाकडे जाण्यास प्रवेश बंद राहील.

पर्यायी मार्ग : चाफेकर चौक - सरळ न.ता. वाडी चौक उजवीकडे वळून सिमला ऑफिस चौक. न. ता. वाडी चौक ते वीर चाफेकर चौक प्रवेश बंद राहील.

पर्यायी मार्ग

न.ता.वाडी चौकातून डावीकडे वळून सरळ सिमला ऑफिस चौक- उजवीकडे वळून चाफेकर चौक.

स. गो. बर्वे चौकाकडून सिमला ऑफिस चौकातून शिवाजीनगर रेल्वे स्टेशनकडे प्रवेश बंद राहील.

वीर चाफेकर चौक ते न. ता. वाडी. चौक ते सिमला ऑफिस रस्त्यावर सर्व वाहनांना नो पार्किंग करण्यात येत आहे.

Edited By : Siddharth Latkar