स्वारगेट बलात्कार प्रकरणातील आरोपी दत्ता गाडेच्या वकिलांवर प्राणघातक हल्ला करण्यात आला आहे. साहील डोंगरे असे आरोपी दत्ता गाडेच्या वकिलांचे नाव आहे. १७ मार्चला डोंगरे यांचे अपहरण करण्यात आले. मारहाण केल्यानंतर त्यांना घाटात सोडण्यात आले. जखमी अवस्थेत त्यांनी पोलीस ठाणे गाठले आणि आरोपीविरोधात तक्रार दाखल केली. प्राणघातक हल्ल्याचं कारण अस्पष्ट असून, पुढील तपास पोलीस करीत आहेत.

काही दिवसांपूर्वी पुण्यातील स्वारगेट डेपोमधील शिवशाही बसमध्ये बलात्काराची घटना घडली. २६ वर्षीय तरूणीवर बलात्कार प्रकरणी आरोपी दत्ता गाडे कोठडीत आहे. या प्रकरणातील आरोपी दत्ता गाडे याच्या वकिलावर आता प्राणघातक हल्ला करण्यात आल्याची माहिती समोर आली आहे. सोमवारी सायंकाळी त्याच्या वकिलाचं अपहरण करण्यात आलं.

वकिल डोंगरेला हडपसर येथून अपहरण करून बोपदेव घाटात नेण्यात आलं. वकिलाला मारहाण केल्यानंतर त्यांना दिवे घाटात सोडून दिलं. जखमी अवस्थेतच त्यांनी पोलीस ठाणे गाठले.

हडपसर पोलीस ठाण्यात गेल्यानंतर त्यांनी त्यांच्यासोबत घडलेल्या घटनेची माहिती दिली. तसेच अज्ञात आरोपीविरोधात तक्रार दाखल केली. या हल्ल्याचं कारण अस्पष्ट असून, आरोपी दत्ता गाडेच्या वकिलावर हल्ला कुणी आणि का केला? याचा तपास पोलीस करीत आहेत.