Pune News :

भारतीय सैन्यदलातील जवान दिलीप बाळासाहेब ओझरकर (वय ३८ वर्ष) यांचं मोहिमेवर जाताना अपघाती निधन झालं आहे. कारगिल ते लेह मोहिमेवर जाताना प्रवासादरम्यान त्यांचा मृत्यू झाला. पुण्यातील भवानी पेठेतील भवानी माता मंदिर परिसरात ओझरकर हे वास्तव्यास होते.

दिलीप ओझरकर हवालदार पदावरून सैन्यदलातून निवृत्त झाले होते. मात्र त्यांनी पुन्हा कालावधी वाढवून देशसेवा करण्यास पसंती दिली. सराव मोहिमेसाठी जाताना ३ सप्टेंबर रोजी रविवारी दुपारी त्यांच्या वाहनाचा अपघात झाला. त्यात त्यांचं निधन झालं. (Latest Marathi News)

विमानाने त्यांचे पार्थिव लोहगाव विमानतळावर आणण्यात आले. त्यांच्या पार्थिवावर आज शासकीय इतमामात अंत्यसंस्कार करण्यात येणार आहेत. त्यांच्या मागे आई, वडील,पत्नी, मुलगा, मुलगी आणि दोन भाऊ असा परिवार आहे.