ज्ञानेश्वर हिंगोलीकर

Pune news : पुणेकरांसाठी महत्वाची बातमी आहे. पुण्यात आज, बुधवारी रात्रीपासून पाणीपुरवठा बंद करण्यात येणार आहे. त्यामुळे गुरुवारी दिवसभर पाणीपुरवठा बंद करण्यात येणार आहे. नागरिकांनी कमी दाबाने पाणी मिळणार आहे. ऐन पावसाळ्यात पाणी समस्येशी पुणेकरांना सामोरे जावं लागणार असल्याने नागरिकांकडून आश्चर्य व्यक्त करण्यात येत आहे. यामुळे दोन दिवस पाणी जपून वापरण्याचे आवाहन पुणे (Pune) महानगरपालिकेने केले आहे.

राज्यातील काही जिल्ह्यात तुफान पाऊस कोसळत आहे. पुण्यामध्ये काही दिवसांपूर्वीच जोरदार पाऊस बरसला. रस्त्यावर अनेक ठिकाणी पाणी साचलं होतं. त्यामुळे पुणेकरांना पाण्यातूनच घर गाठावं लागलं होतं. तर काही नागरिकांच्या घरातही पाणी शिरले होते. या पावसाळ्याच्या दिवसातच पुण्यात पाणी समस्येला सामोरे जावे लागणार असल्याने पुणेकरांकडून आश्चर्य व्यक्त करण्यात येत आहे. पुणेकरांना कमी दाबाचे पाणी मिळणार आहे. तर आज रात्री आणि गुरुवारी दिवसभर पाणीपुरवठा बंद करण्यात येणार आहे. त्यामुळे पुणे महानगरपालिकेने पुणेकरांना पाणी जपून वापरण्याचे आवाहन केले आहे.

पुण्यातील चांदणी चौकातील पूल वाहतुकीसाठी बंद

पुण्यातील (Pune) चांदणी चौकातील पूल आज, बुधवारपासून वाहतुकीसाठी बंद करण्यात आला आहे. पुण्यातील वाढत्या वाहतूक कोंडीवर मात करण्यासाठी पूल पाडण्याचा निर्णय घेण्यात आला आहे. सदर पूल १८ सप्टेंबर रोजी पाडण्यात येणार आहे. यामुळे रस्ते प्रवासासाठी पुणेकरांसाठी पर्यायी मार्ग जाहीर करण्यात आले आहे.

पुण्यातील चांदणी चौकातील पूल पाडण्यात येणार आहे. सदर पूल पाडण्यासाठी पुलाच्या भिंतींना ड्रिलींग करण्याचे काम सुरू झालं आहे. स्फोटानंतर चांदणी चौकातील पूल हा ९ ते १० सेंकदांमध्ये जमिनदोस्त होणार आहे. तसेच हा पूल पाडण्याठी Edifice engineering या कंपनीची NHAI ने निवड केली आहे. याच कंपनीने दिल्लीमधील ट्ववीन टॉवर्स पाडले होते. सदर पूल पाडल्यानंतर त्याजागी नवीन उड्डाणपूल उभारण्यात येणार आहे.