>> अक्षय बडवे

Fire Breaks Out In Container In Pune :

पुण्यात एक मोठी दुर्घटना घडल्याची बातमी समोर येत आहे. येथील स्वामी नारायण मंदिराजवळ कंटेनरला भीषण आग लागली आहे. घटनास्थळी अग्निशमन दलाच्या चार गाड्या दाखल झाल्या असून आग विझवण्यात आली आहे.

या दुर्घटनेत चार जणांचा होरपळून मुत्यू झाला आहे. हे चारही जण एकाच कुटुंबातील असल्याची शक्यता वर्तवली जात आहे, असं असलं तरी अद्याप त्यांची ओळख पटलेली नाही.

मिळालेल्या माहितीनुसार, रस्त्यावर उभा असलेल्या या कंटेनरला सातारच्या दिशेने आलेला ट्रकने धडक दिली. यानंतर ट्रकने पेट घेतला, अशी प्राथमिक माहिती आहे.

आगीची माहिती मिळताच येथे अग्निशमन दलाच्या चार गाड्या दाखल झाल्या. त्यांनी आग विझवली आणि चार लोकांचे मृतदेह बाहेर काढले. या चौघांचा होरपळून मृत्यू झाला. (Latest Marathi News)

दरम्यान, कंटेनरला आग लागल्यानंतर या मार्गावर काही काळ वाहतूक विस्कळीत झाली होती. मात्र आता वाहतूक सुरळीत करण्यात येत आहे.