Pune News: पुण्याचा मागील काही वर्षात विकास झपाट्याने होत आहे. त्यामुळे येथील लोकसंख्या देखील झपाट्याने वाढत आहे. यामुळे पुणे जिल्ह्याचे विभाजन करून बारामती जिल्हा तयार करण्यात यावा अशी मागणी गेल्या कित्येक वर्षापासून होत आहे. त्यानंतर आता पिंपरी चिंचवडचं विभाजन करण्याची मागणी समोर आली आहे.

पिंपरी चिंचवड शहर आणि त्याला लागून असलेल्या भागाचा वेगळा जिल्हा करण्याची मागणी भोसरी विधानसभा क्षेत्राचे भाजप आमदार महेश लांडगे यांनी केली आहे. उपमुख्यमंत्री देवेंद्र फडणवीस यांच्यासमोर त्यांनी ही मागणी केली आहे.

पिंपरी चिंचवड शहर आणि त्याला लागून असलेल्या भागाचे झपाट्याने विकास होत आहे. त्यामुळे पुणे जिल्ह्याचे विभाजन करून शिवनेरी जिल्हा तयार करण्यात यावा, अशी मागणी भाजपचे आमदार महेश लांडगे यांनी उपमुख्यमंत्री देवेंद्र फडणवीस यांच्यासमोर केली आहे. आमदार महेश लांडगे यांच्या मागणीनंतर शिवनेरी जिल्ह्याच्या निर्मितीला आता कसा प्रतिसाद मिळतो हे पाहावं लागेल. (Latest Marathi News)

उपमुख्यमंत्री देवेंद्र फडणवीस हे आज पिंपरी चिंचवड शहरात वेगवेगळ्या विकासकामांच्या उद्घाटनासाठी आले होते. यादरम्यान ग दि माडगूळकर सभागृहाचे उद्घाटन करत असताना महेश लांडगे यांनी देवेंद्र फडणवीस यांच्यासमोर पुणे जिल्हा विभाजन करून शिवनेरी जिल्हा तयार करण्यात यावा अशी मागणी केली.