Pune News: पुण्यातील राजगुरुनगर येथून एक धक्कादायक घटना समोर आली आहे. मनसेच्या पुण्यातील नेत्यावर धमकावत गोळीबार केल्याची घटना घडली आहे. मनसे पुणे जिल्हाध्यक्ष समीर थिगळे यांच्यावर गोळीबार करण्यात आला आहे. याप्रकरणी दोघांविरोधात गुन्हा दाखल करण्यात आला आहे.

मिळालेल्या माहितीनुसार, समीर थिगळे हे आपल्या राजगुरुनगरच्या सातकरस्थळ येथील घरासमोर असताना आरोपीने त्यांच्यावर हल्ला केला. त्यांचे कुटुंबिय देखील त्यांच्यासोबत होत.मी खेडचा भाई आहे, एकाला घालवलाय तुलाही माज आला आहे. तुला संपवतोच असं म्हणत पिस्तुल रोखून आरोपीने समीर थिगळे यांच्याकडे पैशाची मागणी केली.

आरोपीवर मोक्का आणि खुनासारख्या गंभीर गुन्ह्याची नोंद आहे.आरोपी सध्या जामिनावर बाहेर आहे. आरोपींकडून खंडणीची मागणी करत पिस्तुल रोखत फायरिंग केली. छातीवर फायरिंग वेळी पिस्तुल न चालण्याने अनर्थ टळला. तर दुसरा गोळी हवेत फायर करण्यात आली आहे.

घटनेनंतर राजगुरुनगर पोलिसांत मिलिंद जगदाळे आणि मयुर जगदाळे यांच्या विरोधात गुन्हा दाखल करण्यात आला आहे. प्राणघातक हल्ला करत खंडणी मागितल्याप्रकरणी गुन्हा दाखल करण्यात आला आहे. आरोपी फरार असून पोलीस त्यांचा शोध घेत आहेत.