Pune Maval News: मित्राला मेसेज करुन दहावीत शिकणाऱ्या मुलाने रेल्वेखाली उडी घेत आत्महत्या केल्याचा धक्कादायक प्रकार समोर आला आहे. देव कुमार असे या आत्महत्या केलेल्या मुलाचे नाव आहे. मावळातील देहूरोड परिसरात घडलेल्या या घटनेने परिसरात एकच खळबळ उडाली आहे. (Crime News In Marathi)

याबाबत सविस्तर माहिती अशी की, देव कुमार हा लष्करातील एएसआय अधिकाऱ्यांचा मुलगा आहे. मुळचे मथुरेतील असलेले हे कुटूंब देहुरोड (Dehuroad) परिसरात राहते. 30 ऑगस्टच्या रात्री देवची आई कामानिमित्त मथुरेला गेली होती, तर वडील ड्युटीवर होते. त्यामुळे देव कुमार हा आपल्या दोन भावांसह घरात होता.

याचदरम्यान, देवने मित्राला आत्महत्या करत असल्याचा मेसेज टाकला आणि पुढच्या तासाभरात रेल्वेमार्गाकडे जात धावत्या रेल्वेसमोर उडी मारुन जीव दिला. काही वेळाने लोहमार्गावर त्याचा मृतदेह आढळल्याने हा संपूर्ण प्रकार समोर आला.

धक्कादायक बाब म्हणजे देवला मोबाईल गेमिंगचा खूप छंद होता, त्यातून तो अनेक चॅलेंजेंस स्विकारत असल्याची माहिती त्याच्या भावाने पोलिसांनी दिली. त्यामुळे हा संपूर्ण प्रकार याच ऑनलाईन गेमिंग टास्कमुळे तर झाला नाही ना? असा सवाल उपस्थित होत आहे. पोलीस याबाबतचा अधिक तपास करत आहेत. (Latest Marathi News)