सचिन जाधव, पुणे प्रतिनिधी

PMPML bus stolen in Pune Deccan are : पुणे शहरात आज संध्याकाळी एक धक्कादायक घटना घडली. MH 12 YB 5086 क्रमांकाची PMPML बस सायंकाळी साडेपाच वाजेच्या सुमारास डेक्कन बस स्थानकातून एका अज्ञात व्यक्तीने चोरली. आरोपी ही बस चोरून थेट गुडलक चौकापर्यंत घेऊन आला. सुदैवाने या घटनेत कोणतीही जीवितहानी झाली नाही. पोलिसांनी याप्रकरणी गुन्हा दाखल केला असून आरोपीला ताब्यात घेतले आहे. पोलिसांकडून या प्रकरणाचा तपास केला जात आहे.

मात्र, चौकात बस वळवताना आरोपीचे वाहनावरील नियंत्रण सुटले. त्याच्या संशयास्पद हालचालींमुळे परिसरातील पोलिसांचे लक्ष त्याच्याकडे गेले. पोलिसांनी तत्काळ पाठलाग करून सिग्नलजवळ बस थांबवली आणि चालकाला ताब्यात घेतले. प्राथमिक चौकशीत संबंधित व्यक्तीने बस चोरल्याचे उघड झाले आहे.

या घटनेत पुणे पोलिसांची तत्परता दिसून आली. पोलिसांनी बस सुरक्षितपणे पुन्हा डेक्कन डेपोमध्ये आणली असून, आरोपीला डेक्कन पोलीस ठाण्यात नेण्यात आले आहे. आरोपीने हे कृत्य नेमके कोणत्या कारणासाठी केले, याचा तपास डेक्कन पोलीस करत आहेत. सुदैवाने, या घटनेत कोणतीही जीवितहानी झालेली नाही.