पुण्यातून एक धक्कादायक बातमी समोर येत आहे. धनकवडीत मसाज सेंटरच्या नावाखाली वेश्या व्यवसाय सुरू असल्याची माहिती समोर आली आहे. या वेश्या व्यवसायाचा भंडाफोड सामाजिक संघटनेच्या कार्यकर्त्यांनी केला आहे. हे प्रकरण उघडकीस येताच पोलिसांनी छापा टाकला. तसेच मसाज सेंटरच्या मालकीण आणि मॅनेजरवर गुन्हा दाखल केला. तसेच महिलांवरही गुन्हा दाखल केला.

पोलिसांनी दिलेल्या माहितीनुसार, हॅप्पी सेंटरमध्ये वेश्या व्यवसाय सुरू असल्याची माहिती काही सामाजिक कार्यकर्त्यांना मिळाली होती. भीम शक्ती सामाजिक संघटनेचे अध्यक्ष विजय हिंगे, सुरज गायकवाड, आशिष वाघमारे, तसेच इतर सहकारी सहकारनगर पोलीस ठाण्यात गेले होते. त्यांनी अहिल्यादेवी चौक येथील हॅप्पी स्पा सेंटरवर अनधिकृत वेश्या व्यवसाय सुरू असल्याची माहिती मिळाली होती.

त्यांनी कारवाई करण्याचीही मागणी केली होती. माहिती मिळताच वरिष्ठ पोलीस निरीक्षक विठ्ठल पवार यांनी तपास पथकाला कारवाई करण्याचे आदेश दिले. पोलिसांच्या पथकाने धाड टाकण्याचा प्लॅन रचला. २५ सप्टेंबर रोजी पोलिसांनी एक बनावट ग्राहक पाठवले.

नंतर पोलिसांनी एकत्रित धाड टाकली. धाड टाकल्यानंतर ३० वर्षांच्या महिलेलाही ताब्यात घेण्यात आलं. पोलिसांनी तपास करून मसाज सेंटरची मालकीण तसेच मॅनेजरविरोधात गुन्हा दाखल केला. या प्रकरणी पोलीस निरीक्षक एस. एम चव्हाण अधिक तपास करीत आहेत.