• पुण्यातील धनकवडीमध्ये हत्याकांडाची भयंकर घटना

• डोक्यात दगड घालून तरुणाला संपवलं

• सहकारनगर पोलिस ठाण्यात गुन्हा दाखल

• पोलिसांनी आरोपीला अटक केली

सागर आव्हाड, पुणे

पुण्यामध्ये हत्याकांडाची भयंकर घटना घडली. एका तरुणाची भरस्त्यात डोक्यात दगड घालून निर्घृण हत्या करण्यात आली. पुण्यातील धनकवडी भागात ही घटना घडली. आईवरून शिवी दिल्याच्या रागातून ही घटना घडली. या घटनेमुळेप पुण्यात एकच खळबळ उडाली. पोलिसांनी अवघ्या काही तासांत आरोपीला बेड्या ठोकल्या. पोलिस सध्या या हत्याकांडाचा तपास करत आहेत.

मिळालेल्या माहितीनुसार, धनकवडीत आईवरून शिवी दिल्याच्या रागातून एका तरुणाची निर्घृण हत्या करण्यात आली. शंकर महाराज उड्डाण पुलाखाली ही घटना घडली. दोघे तरुण दारू पित बसले होते. यावेळी दोघांमध्ये वाद झाला. हा वाद विकोपाला गेला. या वेळी एका तरुणाने दुसऱ्या तरुणाला आईवरून शिवी दिली. याचाच राग आल्याने दुसऱ्या तरुणाने दगड डोक्यात घालून मित्राची हत्या केली.

मृत व्यक्तीचा रक्ताच्या थारोळ्यात पडलेला मृतदेह पाहून नागरिकांनी पोलिसांना माहिती दिली तेव्हा हे हत्याकांड प्रकरण समोर आले. घटनेची माहिती मिळताच सहकारनगर पोलिसांनी काही तासांतच आरोपी किरण उर्फ बिट्या रवी वाघमारे (वय २४ वर्षे) याला अटक केली. आरोपी संभाजीनगरच्या शंकर वसाहत येथे राहतो. या घटनेप्रकरणी पोलिसांकडून आरोपीची चौकशी सुरू आहे.

आरोपीने हत्येची कबुली दिली. प्राथमिक तपासातून असे समोर आले की, आईवरून शिवीगाळ झाल्याच्या रागातून तरुणाची हत्या करण्यात आली. आरोपीविरुद्ध सहकारनगर पोलिस ठाण्यात हत्येचा गुन्हा दाखल करण्यात आला आहे. सध्या पुढील तपास पोलिस निरीक्षक संतोष जाधव करत आहेत. पोलिसांनी मृतदेह ताब्यात घेऊन शवविच्छेदनासाठी रुग्णालयात पाठवला आहे.