Pune Crime News Saam tv
मुंबई/पुणे

Pune Crime News : मुलाच्‍या हव्‍यासापोटी जुळ्या मुलींना झोपेत दुध पाजून मारले; अखेर हडपसर पोलिसात खूनाचा गुन्‍हा दाखल

मुलाच्‍या हव्‍यासापोटी जुळ्या मुलींना झोपेत दुध पाजून मारले; अखेर हडपसर पोलिसात खूनाचा गुन्‍हा दाखल

साम टीव्ही न्यूज नेटवर्क

पुणे : मुलाच्या हव्यासापोटी जुळ्या मुली झाल्यानंतर या मुलींना झोपेत दुध पाजून त्यांना मारुन टाकल्याचा (Pune) धक्कादायक प्रकार पुण्यात घडला होता. न्यायालयाच्या आदेशानुसार हडपसर पोलिसांनी (Police) खूनाचा गुन्हा दाखल केला आहे. हा गुन्‍हा न्‍यायालयाच्‍या निर्णयानंतर दाखल करण्यात आला आहे. (Tajya Batmya)

पुण्यात हा धक्‍कादायक प्रकार डिसेंबर २०१८ ते २६ नोव्हेबर २०१९ व ६ फेब्रुवारी २०२० रोजी घडला. जुळ्या मुलींचे वडिल अतुल बाबासाहेब सूर्यवंशी, सासरे बाबासाहेब सूर्यवंशी (वय ६२), जयश्री बाबासाहेब सूर्यवंशी (वय ५५), दीर अमोल बाबासाहेब सूर्यवंशी (वय २६, सर्व रा. शिवकृपा हरपळे वस्ती, फुरसुंगी) अशी आरोपींची (Crime News) नावे आहेत. फिर्यादीची बहिण उर्मिला अतूल सूर्यवंशी यांना मुलगाच हवा, या कारणामुळे त्यांना मानसिक त्रास देऊन मुले गोरे होण्याकरीता त्यांना वेगवेगळ्या गोळ्या खाण्यास दिल्या. त्यानंतरही त्यांना जुळ्या मुली झाल्या.

झोपेतच पाजले बाहेरचे दूध

बाळंतपणानंतर सहा महिन्यांनी त्या दोन्ही मुलींसह सासरी आल्या. उर्मिला हिने २६ नोव्हेबर २०१९ रोजी मुलींना दुध पाजून झोपवले असतानाही त्यांच्या पतीने त्या मुली झोपेत असताना सिद्धी (वय ७ महिने) हिला बाहेरील दुध पाजले. त्यामुळे तिचा मृत्यु झाला. अशाच प्रकारे ६ फेबुवारी २०२० रोजी दुसरी मुलगी रिद्धी (वय ९ महिने) हि झोपली होती. त्यामुळे त्यांच्या सासूने उर्मिला हिला स्वयंपाक घरात जाणिवपूर्वक कामाला लावले. या दरम्‍यान अतुल सूर्यवंशी याने झोपलेले मुलीला बाहेरील दुध पाजून तिलाही जीवे ठार मारले.

अखेर न्‍यायालयात धाव

मुली झोपेत असल्याने पाजलेले दुध श्वासनलिकेत गेल्याने त्यांचा श्वास गुदमरुन मृत्यु झाला. याबाबत फिर्यादी यांनी पोलिसांकडे तक्रार केली होती. पण, पोलिसांनी दखल न घेतल्याने त्यांनी न्यायालयात धाव घेतली होती. न्यायालयाच्या निर्णयानुसार पोलिसांनी खूनाचा गुन्हा दाखल केला आहे. अधिक तपास हडपसर पोलीस करत आहेत.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Pune Ganeshotsav: विसर्जन मिरवणुकीच्या दुसऱ्या दिवशी 'डीजे'ला परवानगीची गरज नाही, पोलिस आयुक्त काय म्हणाले?

Maharashtra Live News Update : केंद्रीय मंत्रिमंडळाची बैठक संपली

Cabinet Decisions : मंत्रिमंडळाच्या बैठकीत ८ मोठे निर्णय; १० जिल्ह्यात 'उमेद मॉल' अन् बरेच काही

Nashik : कांदा उत्पादक शेतकरी आक्रमक; अधिकारी न भेटल्याने जिल्हाधिकारी कार्यालयाबाहेर कांदे फेकून आंदोलन

Amit Shah : 'पहलगाम हल्ला करणारे तिन्ही दहशतवादी मारले', शाहांकडून संसदेत माहिती | VIDEO

SCROLL FOR NEXT