Warje Malwadi Crime: पुणे शहरातील वाढती गुन्हेगारी सध्या चिंतेचा विषय ठरत आहे. कधी कोयता गँगचा धुमाकूळ तर कधी कोयत्याने मारामाऱ्या झाल्याच्या अनेक बातम्या समोर येत असल्याने नागरिकांमध्ये भितीचे वातावरण पसरले आहे. आज( १७, जून) पुण्यात अशीच एक धक्कादायक प्रकार आला आहे. पुण्यात भरदिवसा तिघांनी गोळीबार केल्याची घटना घडली आहे. (Crime News In Marathi)

याबाबत अधिक माहिती अशी की, पुण्यातील (Pune) वारजे माळवाडी परिसरात भरदिवसा गोळीबार झाल्याची घटना समोर आली आहे. या घटनेत मोटारसायकलवर आलेल्या तिघांनी ३ राऊंड फायर केली असल्याची माहिती पोलिसांनी दिली आहे. गोळीबारात सुरज तात्याबा लंगार हा २१ वर्षीय तरूण जखमी झाला. याबाबतची माहिती मिळताच पोलिसांनी घटनास्थळी धाव घेतली आहे.

मिळालेल्या माहितीनुसार, वारजे माळवाडी (Warje Malwadi) परिसरातील जय भवानी चौक पाण्याच्या टाकीजवळुन सुरज जात असताना मोटारसायकलवरून आलेल्या तिघांनी गोळीबार सुरू केला. ही गोळी जखमी तरुणाच्या डाव्या बाजूला चाटून गेली असून त्याला उपचारासाठी रूग्णालयात रवाना करण्यात आले आहे. (Latest Marathi News)

घटनास्थळी नागरिकांनी मोठ्या प्रमाणावर गर्दी केली होती. भरदिवसा घडलेल्या या घटनेने परिसरात एकच खळबळ उडाली आहे. दरम्यान, हा हल्ला कोणत्या कारणामुळे झाला? जखमी तरुण आणि मारेकरी यांच्यामध्ये कसला वाद होता? अशा अनेक प्रश्नांची उकल करण्याचे मोठे आव्हान पोलिसांसमोर आहे, त्या दृष्टीने त्यांचा तपास सुरू आहे. (Crime News)