अक्षय बडवे

Pune Crime News

पुण्यातील गुन्हेगारी थांबण्याचे नावच घेईना. पुण्यातील विजय ढुमे हत्याकांड ताजं असताना आता दोन तरुणांवर प्राणघातक हल्ला झाल्याची घटना घडली आहे. पुण्यातील नाना पेठ येथे आज संध्याकाळी ६ वाजता घटना घडली. या घटनेने परिसरात खळबळ माजली आहे. (Latest Marathi News)

मिळालेल्या माहिती माहितीनुसार, पुण्यात जुन्या वादातून ही घटना घडली आहे. टोळक्याने नजर ठेवून २ तरुणांवर प्राणघातक हल्ला केला आहे. दीड महिने जुन्या वादातून २ तरुणांवर हातोडी आणि स्क्रू ड्रायव्हरने हल्ला केला आहे.

तब्बल ८-१० जणांच्या टोळक्याने या २ तरुणांवर प्राणघातक हल्ला केला आहे. हल्ल्यात एका तरुणाच्या डोक्याला जबर मार लागला आहे. पुण्यातील नाना पेठेत ही घटना घडली आहे.

नेमकं काय घडलं?

बिबेवाडी आणि धनकवडी भागात राहणारे २ तरुण आज पुण्यातील नाना पेठेतील नातेवाईकांकडे आले होते. या दोन्ही तरुणांचे याआधी नाना पेठेतील काही तरुणांशी एकमेकांकडे बघण्यावरुन १.५ महिन्यापूर्वी वाद झाला होता. आज हे दोघेही या भागात येत असल्याची माहिती संबंधित तरुणांना मिळाली.

या माहितीनंतर त्या भागात राहत असलेल्या तरुणांनी त्यांच्यावर नजर ठेवली. ते दोघेही एकत्र नातेवाईकांच्या घरातून बाहेर आले. त्यानंतर या टोळक्याने त्या दोघांवर हातोडी आणि स्क्रू ड्रायव्हरने हल्ला केला.

या हल्ल्यात यातील एक तरुण गंभीर जखमी झाला आहे. या गंभीर जखमी तरुणाला ससून रुग्णालयात दाखल केले आहे.

अनिकेत ज्ञानेश्वर दूधभाते (30) आणि निखिल सखाराम आखाडे (27) अशी जखमी झालेल्यांची नावे आहेत. तर संशयित आरोपी यांची नावे रामजी गुजर, आयुष बिडकर, पैलवान आणि यश (पुर्ण नावे अद्याप समोर आलेली नाहीत) असे असल्याचे समजत आहे. याप्रकरणी पोलिसांनी ५ जणांना ताब्यात घेतले आहे. त्याचबरोबर पोलीस या प्रकरणाचा पुढील तपास करत आहे.