अक्षय बडवे, प्रतिनिधी

Pune Kothrud Crime:

एकीकडे गणपती बाप्पाच्या उत्सवाचा जल्लोष सुरू असताना पुणे शहरात मोबाईल चोरीचा धक्कादायक प्रकार समोर आला आहे. शहरातील कोथरुड परिसरात हा प्रकार घडला असून  मोबाईल शॉपी फोडून चोरट्यांनी तब्बल २०० मोबाइल लंपास केले आहेत.

याबाबत सविस्तर माहिती अशी की, पुण्यातील (Pune) कोथरूड भागात २३ सप्टेंबर रोजी मोबाईल शॉपी फोडून चोरी केल्याचा धक्कादायक प्रकार समोर आला आहे. कोथरुड परिसरातील असणाऱ्या डहाणूकर कॉलनीत कलाकृती हौसिंग सोसायटीत गौरव शिंदे यांचे मोबाईलचे दुकान आहे.

शनिवारी मध्यरात्री चोरट्यांनी दुकानाच्या शटरचे कुलूप तोडून आत प्रवेश केला. त्यानंतर दुकानातील २०० मोबाईल आणि रोकड चोरी केली. याबाबात माहिती मिळताच कोथरुड पोलीस दाखल झाले.

याबाबत दुकानाचे मालक गौरव सुरेश शिंदे (वय ३१, रा. वारजे) यांनी फिर्याद दिली आहे. पोलीस याबाबतचा अधिक तपास करत आहेत. ऐन गणपती काळात घडलेल्या या घटनेने परिसरात खळबळ उडाली आहे. (Latest Marathi News)