पुण्यातील बुधवार पेठ परिसरात गुरूवारी सायंकाळी एक तरूणीनं आत्महत्या केली. इमारतीतील टेरेसवरून उडी मारून आयुष्य संपवलं. या धक्कादायक घटनेनंतर परिसरात खळबळ उडाली. ही तरूणी नेमकी कोण? तरूणीनं टोकाचं पाऊल का उचललं? तरूणीसोबत नेमकं घडलं काय? असे अनेक प्रश्न काल निर्माण झाले आहे. दरम्यान, पोलीस तपासात काही प्रश्नांचं कोडं सुटलं आहे.

पोलिसांना या प्रकरणाचा तपास करताना सुसाईड सापडली आहे. या सुसाईड नोटमधून सध्या पोलिसांचा तपास सुरू आहे. मिळालेल्या माहितीनुसार, मानसी (वय वर्ष १९) असे मृत तरूणीचे नाव आहे. तिनं आत्महत्या करण्यापूर्वी एक सुसाईड नोट लिहिली होती. या सुसाईड नोटमधून तिनं आत्महत्या करण्यामागचं कारण स्पष्ट केलं आहे.

तरूणीनं सुसाईड नोटमध्ये लिहिलं की, 'मी माझ्या घरातल्या लोकांच्या योग्यतेची नाही. मी स्वत:हून टोकाचं पाऊल उचलत आहे. मला या कामाचा कंटाळा आल्यामुळे स्वत:हून आयुष्य संपवत आहे', असं सुसाईड नोटमध्ये लिहून तिनं आयुष्य संपवलं. तिनं इमारतीतील टेरेसवरून उडी घेत आयुष्य संपवलं.

या घटनेनंतर पोलिसांना याची माहिती देण्यात आली. पोलिसांनी तातडीने घटनास्थळी धाव घेत मृतदेह ताब्यात घेतला. तसेच शवविच्छेदनासाठी रूग्णालयात पाठवले. प्राथमिक माहितीनुसार, मृत तरूणी मागील काह दिवसांपासून याच इमारतीमध्ये वास्तव्यास होती. या घटनेनंतर परिसरात बघ्यांची मोठी गर्दी झाली होती. पोलिसांनी परिस्थिती नियंत्रणात आणले असून, सध्या पुढील तपास पोलिसांकडून सुरू आहे.