Pune Crime News:

पुण्यातून खळबळजनक घटना समोर आली आहे. पुण्यातील हडपसरमध्ये पूर्ववैमनस्यातून टोळक्याने १७ वर्षीय तरुणाची हत्या केल्याची धक्कादायक घटना घडली आहे. या घटनेने परिसरात एकच खळबळ उडाली आहे. (Latest Marathi News)

मिळालेल्या माहितीनुसार, पुण्यात जुना राग मनात धरून टोळक्याने लोखंडी हत्याराने वार करून एका तरुणाची हत्या केल्याची घटना घडली आहे. पुण्यातील हडपसर भागामध्ये पूर्ववैमनस्यातून टोळक्याने १७ वर्षीय तरुणाची हत्या केली आहे. स्वप्निल झुंबर्डे असं हत्या झालेल्या तरुणाचे नाव आहे.

या घटनेनंतर पोलीस अलर्ट झाले. पोलिसांनी या प्रकरणी कारवाई सुरु केली आहे. पोलिसांनी आतापर्यंत सनी रावसाहेब कांबळे, अमन साजिद शेख , आकाश हनुमंत कांबळे, जय शंकर येरवळे, तौफिक रज्जाक शेख, शाहरुख साजिद शेख या तरुणांना ताब्यात घेतलं आहे.

नेमकं काय घडलं?

पुण्यातील टोळक्याचा स्वप्निल झुंबर्डे या तरुणाशी जुना वाद होता. याच जुन्या वादातून टोळक्यांनी स्वप्निल झुंबर्डे या तरुणाला हडपसरमध्ये गाठलं. या टोळक्यांनी काल हडपसर भागात स्वप्निलला भेटून पूर्वीच्या भांडणाचा राग मनात धरून त्यांच्याकडील धारदार लोखंडी हत्याराने डोक्यावर हल्ला केला. या हल्ल्यात स्वप्नीलचा जागीच मृत्यू झाला

तसेच या तरुणांनी त्यांच्याकडे धारदार लोखंडे हत्यारे हवेत फिरवून, "आमच्यासोबत कोणी पंगा घेतला तर असाच एक एकाचा मुडदा पाडू" असे बोलून परिसरात दहशत पसरवली. हत्येच्या या घटनेने परिसरात एकच खळबळ उडाली आहे.