सचिन जाधव, पुणे प्रतिनिधी

Pune cop fraud, police jewellery scam, : पुणे पोलिसांची मान शरमेने खाली जाणारी घटना समोर आली आहे. एका पोलिसाने ज्वेलर्सकडून सोन्याचे दागिने घेऊन फसवणूक केल्याचा धक्कादायक प्रकार समोर आला आहे. या प्रकरणी पोलिस कर्मचाऱ्यावर निलंबनाची कारवाई करण्यात आली आहे. पोलिसानेच फसवणूक केल्याचा प्रकार समोर आल्यानंतर पुण्यात एकच खळबळ उडाली. पुण्यातील औंधमध्ये ही घटना घडली.

औंधमधील एका ज्वेलर्सकडून दागिने घेऊन फसवणूक केल्याप्रकरणी एका पोलिस कर्मचाऱ्याला निलंबित करण्यात आले आहे. संबंधित कर्मचाऱ्याने एका माजी वरिष्ठ अधिकाऱ्याचे नाव पुढे करून सुमारे साडे आठ लाखांचे दागिने घेतले होते.

ज्वेलर्सने याबाबत पोलिस विभागाकडे तक्रार केली होती. तक्रारीनंतर विभागाने त्या कर्मचाऱ्याला पैसे किंवा दागिने परत करण्याचे आदेश दिले. पण त्याने आदेशाचे पालन केले नाही ,शेवटी पोलीस विभागाने कारवाई करत त्याला निलंबित केले आहे

गणेश अशोक जगताप,असे निलंबनाची कारवाई झालेल्या विशेष शाखेच्या पोलिस हवालदाराचे नाव आहे. पोलिस हवालदार जगताप यांनी औंध येथील एका ज्वेलर्सच्या दुकानातून शहर पोलिस दलातील एका माजी वरिष्ठ अधिकाऱ्याचे नाव सांगून ८ लाख २२ हजार २२० रुपये किमतीचे सोन्याचे दागिने घेतले होते.

सराफ व्यावसायिकाने जगताप यांच्याकडे दागिन्याच्या पैशाची मागणी केल्यानंतर सुरुवातीला टाळाटाळ करण्यात आली. त्यानंतर व्यावसायिकाला जिवे मारण्याची धमकी देऊन पैसे न देता त्यांची फसवणूक केली. हा सगळा प्रकार लक्षात आल्या नंतर विभागाच्या अधिकाऱ्यांनी चौकशी करून जगताप यांना संबंधित सराफ व्यावसायिकास दागिने किंवा पैसे देण्याचे आदेश दिले होते. मात्र, जगताप यांनी या आदेशाचे पालन केले नाही आणि आता याचमुळे त्या पोलिसावर कारवाई करणार आहे