सचिन जाधव, पुणे|ता. १ जानेवारी २०२४

Rupali Chakankar News:

लोकसभा निवडणूकांची चाहूल लागताच राजकीय वातावरण चांगलेच तापू लागले आहे. आगामी लोकसभा निवडणूकीत शरद पवार विरुद्ध अजित पवार गट असा थेट सामना पाहायला मिळणार असल्याचे दिसत आहे. दोन्ही गटाच्या नेत्यांकडून एकमेकांवर आरोप- प्रत्यारोप होताना होत आहेत. अशातच अजित पवार गटाच्या नेत्या रुपाली चाकणकर यांनी सुप्रिया ताई गेले १५ वर्ष अजितदादांमुळेच निवडून आले आहेत.. अशी खोचक टीका केली आहे.

काय म्हणाल्या रुपाली चाकणकर?

"अजितदादांनी (Ajit Pawar) जो निर्णय घेतला तो विकासासाठी घेतला. अजित दादांना मुख्यमंत्री होताना पाहायचं असेल तर आम्हाला काम करावं लागेल. आमचं स्वप्न आहे त्यासाठी आम्ही प्रयत्न करू, दादा मुख्यमंत्री व्हावं हे सर्वांची इच्छा आहे. असे रुपाली चाकणकर म्हणाल्या. तसेच आगामी निवडणूकीत महायुतीचा विजय होईल," असेही त्यांनी स्पष्ट केले.

सुप्रिया सुळेंवर टीका

यावेळी बोलताना रुपाली चाकणकर (Rupali Chakankar) यांनी सुप्रिया सुळेंवरही निशाणा साधला. "दादांवर बोलणारे दोन्ही खासदार दादांमुळेच निवडून आले आहेत. विकासाचे राजकारण हवं आहे. सुप्रिया ताई (Supriya Sule) गेले १५ वर्ष अजितदादांमुळेच निवडून आल्या आहेत. दादासोबत नाहीत म्हणून तळ ठोकावा लागतोय..." अशी टीका त्यांनी केली.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

बारामतीत महायुतीचा विजय...

यावेळी बोलताना रुपाली चाकणकर यांनी खडकवासला मतदार संघातून निवडणूक लढवण्यावरही मोठे विधान केले. "प्रत्येकाची लढण्याची इच्छा असते,स्पर्धेक असतात त्यामुळे खडकवासला मध्ये अनेक इच्छुक आहेत, असे त्या म्हणाल्या. तसेच बारामती लोकसभेमध्ये अजित पवार राष्ट्रवादी गट आणि महायुतीचा उमेदवार निवडून येईल..." असा दावाही त्यांनी यावेळी केला. (Latest Marathi News)