पुण्यामध्ये भीषण अपघातामध्ये एकाचा मृ्त्यू झाल्याची घटना समोर आली आहे. पुण्यातील कात्रज चौकामध्ये हा अपघात झाला. सकाळी आठच्या सुमारास दुचाकीस्वाराला भरधाव टेम्पोने चिरडलं. या अपघातामध्ये गंभीर जखमी झालेल्या दुचाकीस्वाराचा जागीच मृत्यू झाला. अपघाताची माहिती मिळताच पोलिसांनी घटनास्थळी धाव घेतली. तरुणाचा मृतदेह ताब्यात घेऊन शवविच्छेदनासाठी रुग्णालयात पाठवण्यात आला आहे. या अपघाताचा तपास कात्रज पोलिस करत आहेत.
पोलिसांनी दिलेल्या माहितीनुसार, १५ ऑगस्टला सकाळी ८ वाजून ५० मिनिटांच्या सुमारास हा अपघात झाला. कात्रज बायपास चौकात टेम्पोने दुचाकीला धडक दिली. या अपघातामध्ये दुचाकीस्वाराचा जागीच मृत्यू झाला. मोहम्मद इकबाल पठाण (वय २१ वर्षे) असं मृत तरुणाचे नाव आहे.
या अपघातानंतर घटनास्थळावर एकच खळबळ उडाली. या अपघातानंतर पोलिसांनी घटनास्थळी धाव घेतली आणि मृत तरुणाचा मृतदेह शवविच्छेदनासाठी रुग्णालयात पाठवला. या अपघात प्रकरणी पोलिसांनी टेम्पो चालक अमोल भारगुडे( ४० वर्षे) याच्याविरोधात गुन्हा दाखल केला. त्यानंतर पोलिसांनी टेम्पो चालकाला अटक केली. या अपघात प्रकरणाचा तपास पोलिस करत आहेत. दुचाकीस्वारानेच सिग्नल मोडल्यामुळे ही घटना घडल्याचे प्रत्यक्षदर्शीचे म्हणणे आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.