सचिन जाधव, प्रतिनिधी...

Pune Accident News: मुलाला भेटून घरी परत जात असताना भरधाव वाहनाने धडक दिल्यामुळे एका ज्येष्ठ नागरिकाचा मृत्यू झाला.ही घटना १३ मे रोजी दुपारी तीन वाजण्याच्या सुमारास ससून रुग्णालयाच्या प्रवेशद्वारासमोर घडली घडली आहे. या दुर्देवी घटनेने हळहळ व्यक्त केली जात असून बंडगार्डन पोलिस ठाण्यात अज्ञात वाहनचालकाविरुध्द गुन्हा दाखल करण्यात आला आहे.

याबाबत पोलिसांनी दिलेल्या माहितीनुसार, धनकवडी येथील सदाशिव वनशिव यांच्या मुलावर ससून रुग्णालयात (Sasun Hospital) वैद्यकीय उपचार सुरू आहेत. ते मुलाला भेटून परत धनकवडी येथील घरी निघाले होते. ते ससूनच्या प्रवेशद्वाराबाहेर आल्यानंतर भरधाव वाहनाने त्यांना धडक दिली. त्यात गंभीर जखमी झाल्यामुळे सदाशिव वनशिव यांचा मृत्यू झाला. या अपघातानंतर वाहनचालक पसार झाला आहे. (Accident News)

सदाशिव तुकाराम वनशिव (वय ७७ वर्ष, रा. धनकवडी, पुणे) असे मृत्युमुखी पडलेल्या व्यक्तीचे नाव आहे. या प्रकरणी त्यांचा नातू शुभम वाघमारे (वय २८, रा. हिंजवडी, ता. मुळशी, जि. पुणे) यांनी फिर्याद दिली आहे. त्यावरून बंडगार्डन पोलिस ठाण्यात अज्ञात वाहनचालकाविरुध्द गुन्हा दाखल करण्यात आला आहे. (Pune News)